ഒരിക്കലെങ്കിലും വിമാനത്തിൽ യാത്ര ചെയ്യുക എന്നത് എല്ലാവരുടെയും കുട്ടിക്കാലത്തെ സ്വപ്നമാണ്. സ്വപ്നങ്ങൾ യാഥാർഥ്യമാക്കിയവരുമുണ്ട്. എന്നാൽ ലോകത്തിലെ ഏറ്റവും വലിയ 5 വിമാനങ്ങളെക്കുറിച്ച് നിങ്ങൾക്കറിയാമോ?
അൻ്റോനോവ് ആൻ-225 മരിയ ; ലോകത്തിലെ ഏറ്റവും വലിയ വിമാനമാണ്. 1980-കളിലാണ് ഈ വിമാനം രൂപകല്പന ചെയ്തത്. പ്രധാന ലക്ഷ്യം ഭാരമേറിയതും വലുതുമായ സാധനങ്ങൾ ഒരിടത്ത് നിന്ന് മറ്റൊരിടത്തേക്ക് കൊണ്ടുപോകുക എന്നതായിരുന്നു. 1988 ഡിസംബർ 21-ന് അൻ്റോനോവ് ആൻ-225 മരിയയുടെ ആദ്യ പറക്കൽ .
സ്കെയിൽഡ് കോമ്പോസിറ്റ് സ്ട്രാറ്റോലോഞ്ച് : റോക്കറ്റുകൾ മുകളിലേക്ക് കൊണ്ടുപോകാൻ രൂപകൽപ്പന ചെയ്തിരിക്കുന്ന ഈ വിമാനത്തിന് ഇരട്ട ഫ്യൂസ്ലേജും 385 അടി വീതിയുള്ള ചിറകുകളും ഉണ്ട്.
എയർബസ് എ380 ; ഗതാഗതത്തിനായി രൂപകൽപ്പന ചെയ്തിരിക്കുന്നതാണിത് . ഏകദേശം 800 പേർക്ക് ഈ വിമാനത്തിൽ യാത്ര ചെയ്യാം. 2005 ഏപ്രിൽ 27 നായിരുന്നു A380 ന്റെ ആദ്യ പറക്കൽ.
അൻ്റോനോവ് An-124 ; അൻ്റോനോവ് An-225 കഴിഞ്ഞാൽ ഏറ്റവും വലിയ രണ്ടാമത്തെ കാർഗോ വിമാനമാണ് അൻ്റോനോവ് An-124. ഈ വിമാനത്തിന് പരമാവധി 150 ടൺ ഭാരം ഉയർത്താനുള്ള ശേഷിയുണ്ട്.
എയർബസ് എ 340-600 ; വിമാനത്തിന് നാല് എഞ്ചിനുകളാണുള്ളത്. ദീർഘദൂര യാത്രയ്ക്കായി രൂപകൽപ്പന ചെയ്തിട്ടുള്ളതാണ് ഇവ. ഈ വിമാനത്തിന് 75.36 മീറ്റർ നീളമുണ്ട്. എ 340-600 ന്റെ ആദ്യ പറക്കൽ 2002 ലായിരുന്നു.
