താത്കാലിക മറവിരോഗം പിടിപ്പെട്ടതിനാൽ പൊതുജീവിതം പതുക്കെ അവസാനിപ്പിക്കുകയാണെന്ന് കവി സച്ചിദാനന്ദൻ. ഏഴ് വർഷം മുമ്പ് താത്കാലികമറവി രോഗം ബാധിച്ചിരുന്നു. അന്ന് മുതൽ മരുന്ന് കഴിക്കുന്നുണ്ട്. നവംബർ ഒന്നിന് രോഗം വീണ്ടും വന്നു. അതുകൊണ്ട് പതുക്കെപ്പതുക്കെ പബ്ലിക്ക് ലൈഫ് അവസാനിപ്പിക്കുകയാണെന്ന് ഫേസ്ബുക്കിൽ പങ്കുവെച്ച കുറിപ്പിൽ സച്ചിദാനന്ദൻ പറഞ്ഞു.
” 7 വര്ഷം മുന്പു ഒരു താത്കാലികമറവി രോഗത്തിന് ( transient global amnesia) വിധേയനായിരുന്നു. അന്നു മുതൽ മരുന്നും ( Levipil 500, twice a day) കഴിക്കുന്നുണ്ട്. പിന്നീട് അത് വന്നിരുന്നില്ല. എന്നാൽ നവംബര് 1 ന് പുതിയ രീതിയില് അത് തിരിച്ചു വന്നു. കാല് മരവിപ്പ്, കൈ വിറയല്, സംസാരിക്കാന് പറ്റായ്ക, ഓര്മ്മക്കുറവ്- ഇങ്ങിനെ അല്പ്പം നേരം മാത്രം നില്ക്കുന്ന കാര്യങ്ങള്.
5 ദിവസമായി ആശുപത്രിയിൽ. ഒക്ടോബർ മാസം നിറയെ യാത്രകളും പരിപാടികളും ആയിരുന്നു. സ്ട്രസ് ആണ് ഈ രണ്ടാം അവതാരത്തിന് പ്രധാന കാരണം എന്ന് ഡോക്ടർമാര്. അതുകൊണ്ട് പതുക്കെപ്പതുക്കെ പബ്ലിക്ക് ലൈഫ് അവസാനിപ്പിക്കുന്നു. യാത്ര, പ്രസംഗം ഇവ ഒഴിവാക്കുന്നു. ക്രിസ്തുവും ബുദ്ധനും മുതൽ ആരുടെയും പ്രസംഗം കൊണ്ട് ലോകം നന്നായിട്ടില്ല. അത് ഒരു സമയം പാഴാക്കുന്ന പരിപാടി മാത്രം എന്ന് 60 വർഷത്തെ അനുഭവം എന്നെ ബോദ്ധ്യപ്പെടുത്തി.
അതു കൊണ്ട് എന്റെ ജീവന് നില നിര്ത്തുന്ന കവിതയുമായി ബന്ധപ്പെട്ട ചില പരിപാടികളില് മാത്രമേ ഇനി പങ്കെടുക്കൂ. ഈ ടേം കഴിയും വരെ അക്കാദമിയുടെ ചില പരിപാടികളിലും പങ്കെടുക്കും. ദയവായി എന്നെ പൊതു യോഗങ്ങൾക്കു വിളിക്കാതിരിക്കുക. വന്നില്ലെങ്കില് ദയവായി പരിഭവമില്ലാതെ അംഗീകരിക്കുക. ഓര്മ്മയും വായനയും ഭാവനയും ഉള്ളിടത്തോളം ഞാന് എഴുതും. എപ്പോൾ വേണമെങ്കിലും അവ ഇല്ലാതാകാമെന്നും”, സച്ചിദാനന്ദൻ കുറിച്ചു.
