കടല പ്രിയരേ.. ഇനി നിലക്കടലയല്ല, പൊട്ടുകടല വേണം കൊറിക്കാൻ അതും തൊലി കളയാതെ; കാരണമുണ്ട്..

പയർ വർ​ഗങ്ങളിൽ ആ​രോ​ഗ്യത്തിനേറെ ​ഗുണം ചെയ്യുന്നവയാണ് കടല. പ്രോട്ടീൻ സമ്പന്നമായ കടല കഴിക്കുന്നത് പേശികളുടെ ആരോ​ഗ്യത്തിന് ഭാരനിയന്ത്രണത്തിനും സഹായിക്കുന്നു. ഇതിലടങ്ങിയിരിക്കുന്ന നാരുകൾ കൊളസ്ട്രോളിനെ നിയന്ത്രിക്കുന്നു.

കടലകളിൽ‌ പ്രധാനിയാണ് പൊട്ടുകടല. തൊലി കളഞ്ഞാണ് മിക്കവരും പൊട്ടുകടല കഴിക്കുന്നത്. എന്നാൽ തൊലിയോടെ കഴിക്കുന്നത് ആരോ​ഗ്യത്തിന് ​ഗുണം ചെയ്യുമെന്ന് പുതിയ പഠനം പറയുന്നു. ദഹനത്തിനും മൊത്തത്തിലുള്ള ആരോ​ഗ്യത്തിനും കടലയുടെ തൊലിയിലെ ​ഗുണങ്ങൾ‌ സഹായിക്കുമെന്നാണ് ആരോ​ഗ്യ വിദ​ഗ്ധർ പറയുന്നത്. പൊട്ടുകടല തൊലികളയാതെ കഴിച്ചാലുള്ള ​ഗുണങ്ങളറിയാം..

• പൊട്ടുകടലയിലും തൊലിയിലും അടങ്ങിയിട്ടുള്ള നാരുകൾ ദഹനപ്രക്രിയ സു​ഗമമാക്കുന്നു. മലബന്ധം, അസിഡിറ്റി പോലുള്ള പ്രശ്നങ്ങൾക്ക് പരിഹാരമാണ് പൊട്ടുകടല. ശരീരഭാരം കുറയ്‌ക്കാനും ഇത് സഹായിക്കും.
• കൊളസ്ട്രോൾ കുറയ്‌ക്കാനും പൊട്ടുകടല സഹായിക്കും. ഫാറ്റി ലിവറുള്ളവർ തൊലിയോടെ പൊട്ടു കടല കഴിക്കുന്നത് ശരീരത്തിലെ വിഷാംശം പുറന്തള്ളാൻ സഹായിക്കും. കരളിന്റെ ആരോ​ഗ്യം മെച്ചപ്പെടുത്താനും ഇത് സഹായിക്കും.
• പ്രമേഹരോ​ഗികൾക്ക് സുരക്ഷിതമായി പൊട്ടുകടല കഴിക്കാവുന്നതാണ്. ഇതിലടങ്ങിയിട്ടുള്ള നാരുകൾ രക്തത്തിലെ പഞ്ചസാരയുടെ അളവിനെ നിയന്ത്രിക്കുന്നു.
• ആൻ്റി-ഓക്സിഡൻ്റുകൾ, വിറ്റാമിനുകൾ എന്നിവയും പൊട്ടുകടലയിലുണ്ട്. ചർമാരോ​ഗ്യത്തിനും, പ്രതിരോധശേൽഷിക്കും ഇത് നല്ലതാണ്.
• ശരീരഭാരം നിയന്ത്രിക്കാൻ ശ്രമിക്കുന്നവർക്കും പൊട്ടുകടല നല്ലതാണ്. തൊലിയിൽ അടങ്ങിയിട്ടുള്ള നാരുകൾ വിശപ്പിനെ നിയന്ത്രിക്കും. വയറ്റിലുണ്ടാകുന്ന എരിച്ചിലും മറ്റും തടയാനും ഇത് സഹായിക്കും.
•  മാംഗനീസ്, ഫോളേറ്റ്, ഫോസ്ഫറസ് എന്നിവയുടെ മികച്ച ഉറവിടമാണ്  പൊട്ടുകടല. ഇത് ഹൃദയാരോഗ്യത്തിന് ഗുണം ചെയ്യുന്നു.