അല്ലു അർജുനെയും ഭാര്യയും അധിക്ഷേപിക്കുന്ന വീഡിയോ; യൂട്യൂബറുടെ ഓഫീസ് വളഞ്ഞ് ആരാധകർ; വൈറൽ വീഡിയോ

സ്‌റ്റൈലിഷ് സ്റ്റാർ അല്ലു അർജുന്റെ പുതിയ ചിത്രമായ പുഷ്പയുടെ രണ്ടാം ഭാഗത്തിനായുള്ള കാത്തിരിപ്പിലാണ് ആരാധകർ. ഇതിനിടെയാണ് അല്ലു അർജുനെയും കുടുംബത്തെയും അധിക്ഷേപിക്കുന്ന വീഡിയോ സമൂഹ മാദ്ധ്യമങ്ങളിൽ വൈറലായത്. ഇതോടെ യൂട്യൂബ് ചാനലിനെതിരെയും വ്‌ളോഗറിനെതിരെയും നടന്റെ ഫാൻസ് രംഗത്തുവന്നു.

റെഡ് ടിവി എന്ന യൂട്യൂബ് ചാനലിലൂടെയാണ് അല്ലു അർജുനെയും ഭാര്യ സ്‌നേഹ റെഡ്ഡിയെയും കുട്ടികളെയും അധിക്ഷേപിക്കുന്ന വീഡിയോ പങ്കുവച്ചത്. അല്ലു അർജുനെ അപകീർത്തിപ്പെടുത്തുന്ന നിരവധി വീഡിയോകൾ റെഡ് ടിവിയിൽ പ്രത്യക്ഷപ്പെട്ടിരുന്നു. ഇതിനുപിന്നാലെയാണ് കുടുംബത്തെയും റെഡ് ടിവി അധിക്ഷേപിച്ചത്. ഇതോടെ ആരാധകർ ഒന്നടങ്കം റെഡ് ടിവിയുടെ ഓഫീസ് വളഞ്ഞു.

ഹൈദരാബാദിലെ റെഡ് ടിവിയുടെ ഓഫീസിലേക്കാണ് ആരാധകർ കൂട്ടത്തോടെ എത്തിയത്. എന്തിനാണ് അല്ലുവിനെയും കുടുംബത്തെയും നിരന്തരം വേട്ടയാടുന്നതെന്നായിരുന്നു ആരാധകരുടെ ചോദ്യം. എന്നാൽ തങ്ങൾക്ക് അബദ്ധം പറ്റിയതാണെന്നും സ്‌നേഹ റെഡ്ഡിയെ അപകീർത്തിപ്പെടുത്തണമെന്ന് ഉദ്ദേശിച്ചിരുന്നില്ലെന്നും ചാനൽ ഉടമകൾ മറുപടി നൽകി. പിന്നാലെ അല്ലു അർജുനെയും കുടുംബത്തെയും അപകീർത്തിപ്പെടുത്തുന്ന വീഡിയോകൾ ആരാധകർ നീക്കം ചെയ്യാൻ ആവശ്യപ്പെട്ടു.

We have been following RED TV closely for the past few months and monitoring the way they are running a negative campaign against @alluarjun garu.

Recently, they crossed all boundaries by involving his wife Sneha Reddy garu, and his children, and even posting thumbnails… pic.twitter.com/gB37dVfCxS

— All India Allu Arjun Fans & Welfare Association (@AIAFAOnline) November 11, 2024

സമൂഹമാദ്ധ്യമങ്ങൾ ഉപയോഗിക്കുമ്പോൾ സൂക്ഷിച്ച് കൈകാര്യം ചെയ്യണമെന്നും മറ്റുള്ളവരെ വ്യക്തിപരമായി അധിക്ഷേപിക്കാൻ ഉപയോഗിക്കരുതെന്നും ആരാധകർ താക്കീത് നൽകിയിരുന്നു. ഇതിന്റെ വീഡിയോയാണ് ഇപ്പോൾ സമൂഹ മാദ്ധ്യമങ്ങളിൽ വൈറലാവുന്നത്.