ശബരിമലയിൽ പോകാൻ മണ്ഡലവ്രതം നോക്കുന്ന നടൻ രാം ചരൺ കടപ്പ ദർഗ സന്ദർശിച്ചതിൽ വിമർശനം ശക്തമാകുന്നു . സംഗീത സംവിധായകൻ എ ആർ റഹ്മാനാണ് രാം ചരണിനെ ദർഗയിൽ എത്തിച്ചത് .
രാം ചരൺ ദർഗയിൽ അനുഗ്രഹം തേടുന്നതിന്റെ നിരവധി ഫോട്ടോകളും വീഡിയോകളും ഇൻ്റർനെറ്റിൽ പ്രചരിക്കുന്നുണ്ട്. അയ്യപ്പഭക്തരും രാം ചരണിനെതിരെ രംഗത്ത് വന്നിട്ടുണ്ട് . അതേസമയം വാവരുടെ കഥ പറഞ്ഞ് വിമർശനങ്ങളെ എതിർത്ത് രാം ചരണിന്റെ ഭാര്യ ഉപാസന രംഗത്തെത്തി. “വിശ്വാസം ഒന്നിക്കുന്നു, ഒരിക്കലും വിഭജിക്കുന്നില്ല, ഇന്ത്യക്കാരെന്ന നിലയിൽ, ദൈവികതയിലേക്കുള്ള എല്ലാ പാതകളെയും ഞങ്ങൾ ബഹുമാനിക്കുന്നു, നമ്മുടെ ശക്തി ഐക്യത്തിലാണ്. #OneNationOneSpirit #jaihind @AlwaysRamCharan തന്റെ സ്വന്തം (sic) പിന്തുടരുമ്പോൾ മറ്റ് മതങ്ങളെ ബഹുമാനിക്കുന്നു.”എന്നാണ് ഉപാസന കുറിച്ചത് .
എന്നാൽ അതിന് അയ്യപ്പ ഭക്തരിൽ ഒരാൾ നൽകിയ മറുപടിയും വൈറലായി . ‘ മറ്റ് മതങ്ങളെ ബഹുമാനിക്കുന്നു എന്നതിനർത്ഥം നിങ്ങൾ അയ്യപ്പ മലയിലെ പോകാൻ നൊയമ്പ് എടുത്ത് അവരുടെ ദർഗയിൽ പോകുന്നുവെന്നതല്ല . അവരുടെ വിശ്വാസത്തെ അപമാനിക്കാതെയും നമ്മുടെ മതത്തിൽ ഇടപെടാതെ അവർ ചെയ്യുന്നതിനെ മാനിച്ചും നമുക്ക് അവരുടെ മതത്തെ ബഹുമാനിക്കാം. സ്വന്തം വിശ്വാസത്തെ അപമാനിക്കാതെയും മറ്റ് മതത്തെ ബഹുമാനിക്കാം ‘ എന്നായിരുന്നു ഉപാസനയ്ക്ക് കിട്ടിയ മറുപടി.
