പത്തനംതിട്ട: റാന്നി പാലത്തിൽ നിന്ന് പമ്പ നദിയിലേക്ക് ചാടിയ മധ്യവയസ്കൻ മരിച്ചു. മൈലപ്ര സ്വദേശി 48-കാരൻ ജെയ്സൺ ആണ് മരിച്ചത്. പമ്പനദിയിൽ കളിച്ചു കൊണ്ടിരുന്നവരാണ് ജെയ്സൺ പാലത്തിൽ നിന്ന് ചാടുന്നത് ആദ്യം ശ്രദ്ധിച്ചത്.
ജെയ്സൺ ആദ്യം വീണിടത്ത് ആഴം കുറവായിരുന്നു. ഇതോടെ അവിടെ നിന്ന് എഴുന്നേറ്റ് നടന്ന് ആഴമുള്ള പള്ളിക്കയം ഭാഗത്തെത്തി ചാടുകയായിരുന്നു. കണ്ടുനിന്നവരാണ് വിവരം പൊലീസിൽ അറിയിക്കുന്നത്. പൊലീസ് എത്തും മുൻപ് മരിച്ചിരുന്നു. അഗ്നിരക്ഷാ സേനയും മുങ്ങൽ വിദഗ്ധരും ചേർന്ന് നടത്തിയ തെരച്ചിലിൽ മൃതദേഹം കണ്ടെത്തി.
കുടുംബ പ്രശ്നമാണ് ആത്മഹത്യയ്ക്ക് കാരണമെന്ന് പൊലീസ് അറിയിച്ചു. മൃതദേഹം റാന്നി താലൂക്ക് ആശുപത്രിയി മോർച്ചറിയിലേക്ക് മാറ്റി. നാളെ പോസ്റ്റ്മാർട്ടത്തിന് ശേഷം മൃതദേഹം ബന്ധുക്കൾക്ക് വിട്ട് നൽകും.
