കൊച്ചി: ചാഞ്ചാട്ടങ്ങൾക്ക് ശേഷം വീണ്ടും കുതിച്ചുകയറി സ്വർണവില. നിലവിൽ പവൻ നിരക്ക് 57,040 രൂപയാണ്. കഴിഞ്ഞ ദിവസം ഒറ്റയടിക്ക് 480 കുറഞ്ഞിരുന്നു. എന്നാൽ ഇന്ന് 320 രൂപ കൂടിയതോടെ പവൻ വില 57,000 കടന്നു. ഗ്രാമിന് 40 രൂപ കൂടി, ഇതോടെ ഒരു ഗ്രാം സ്വർണത്തിന് 7,130 രൂപയായി.18 കാരറ്റ് സ്വർണം ഒരു ഗ്രാമിന് 30 രൂപ ഉയർന്ന് 5,890 ആയിട്ടുണ്ട്. വെള്ളിവില ഗ്രാമിന് 97 രൂപയാണ്.
59,000ത്തോളം എത്തിയ സ്വർണ വിലയാണ് ഇടിഞ്ഞ് 56,000 വരെയെത്തിയത്. സെപ്റ്റംബറിൽ ആദ്യമായി 55,000 കടന്ന സ്വർണവില ഒക്ടോബറിൽ 59,000 കടന്ന് 60,000ത്തിന് അരികിലെത്തിയിരുന്നു. ഇത് പിന്നീട് ഇടിഞ്ഞെങ്കിലും വീണ്ടും തിരിച്ചുകയറുമെന്നd സാമ്പത്തിക വിദഗ്ധർ പ്രവചിച്ചിരുന്നു. ഡിസംബർ അവസാനിക്കുമ്പോഴേക്കും ഗ്രാമിന് വില 8,000 കടന്നേക്കുമെന്നാണ് റിപ്പോർട്ട്. സുരക്ഷിത നിക്ഷേപമെന്ന നിലയിൽ സ്വർണത്തിന് ഡിമാൻഡ് എപ്പോഴും കൂടുതലാണ്.
