മുംബൈ : പ്രധാനമന്ത്രി നരേന്ദ്ര മോദിയെ വധിക്കുമെന്ന് ഭീഷണിപ്പെടുത്തി സന്ദേശം അയച്ച 37 കാരനെ അറസ്റ്റ് ചെയ്തു. ജാർഖണ്ഡ് സ്വദേശിയായ മുഹമ്മദ് നദീം ബെയ്ഗ് മിർസയെയാണ് രാജസ്ഥാനിലെ അജ്മീറിൽ നിന്ന് വർളി പൊലീസ് സംഘം പിടികൂടിയത്.ജാർഖണ്ഡിലേക്ക് പോകാൻ ട്രെയിനിൽ കയറുന്നതിനിടെയാണ് മിർസയെ കസ്റ്റഡിയിലെടുത്തത്.
സ്വകാര്യ സ്ഥാപനത്തിൽ ടർണറായി ജോലി ചെയ്യുന്ന മിർസ, മദ്യപിച്ച് ജോലിയ്ക്ക് വന്നപ്പോൾ വീട്ടിലേക്ക് മടങ്ങി പോകാൻ ഉടമ ആവശ്യപ്പെട്ടു . ഇതിൽ ക്ഷുഭിതനായ മിർസ ശനിയാഴ്ച മുംബൈ ട്രാഫിക് പൊലീസ് ഹെൽപ്പ് ലൈനിലേക്ക് പ്രധാനമന്ത്രിക്കെതിരെ ഭീഷണി സന്ദേശം അയക്കുകയായിരുന്നു.
തുടർന്ന് വർളി പൊലീസ് ഇന്ത്യൻ ശിക്ഷാ നിയമത്തിലെ 351 (3) വകുപ്പ് പ്രകാരം കേസ് രജിസ്റ്റർ ചെയ്തു. ഇയാളെ ചോദ്യം ചെയ്യലിനായി മുംബൈയിൽ എത്തിക്കുമെന്ന് പൊലീസ് പറഞ്ഞു.
