ജയ്പൂർ: അഖില ഭാരതീയ വിദ്യാർത്ഥി പരിഷത്തിന്റെ (ABVP) കേന്ദ്ര പ്രവർത്തക സമിതി യോഗത്തിന് തുടക്കമായി. രാജസ്ഥാനിലെ ജോധ്പൂരിലെ രഘുവംശപുര ആശ്രമത്തിലാണ് ദ്വിദിന യോഗം നടക്കുന്നത്.
എബിവിപി ദേശീയ അദ്ധ്യക്ഷൻ പ്രൊഫ. രാജ് ശരൺ ഷാഹി, ദേശീയ ജനറൽ സെക്രട്ടറി ഡോ. വീരേന്ദ്ര സിംഗ്, സോളങ്കി ദേശീയ സംഘടന സെക്രട്ടറി ആശിഷ് ചൗഹാൻ എന്നിവർ സരസ്വതി മാതാവിന്റെയും വിശ്വഗുരു വിവേകാനന്ദന്റെയും ഛായാചിത്രങ്ങൾക്ക് മുന്നിൽ ഭദ്രദീപം കൊളുത്തിയാണ് പ്രവർത്തക സമിതി യോഗം ഉദ്ഘാടനം ചെയ്തത്. ഭാരതത്തിന്റെ വിവിധ ഭാഗങ്ങളിൽ നിന്നുള്ള പ്രവർത്തകരാണ് യോഗത്തിന്റെ ഭാഗമാകുന്നത്.
സംഘടന പ്രവർത്തനങ്ങളുടെ സമഗ്രമായ അവലോകനവും വരുംകാല കർമ്മ പദ്ധതി രൂപീകരണവും യോഗത്തിന്റെ മുഖ്യ അജണ്ടയാണ്. വിദ്യാഭ്യാസ രംഗത്തെ സുപ്രധാന മാറ്റങ്ങളെക്കുറിച്ചും സമകാലിക സാമൂഹിക സാംസ്കാരിക രാഷ്ട്രീയ സാഹചര്യവും യോഗത്തിന്റെ ആദ്യ ദിനമായ ഇന്നലെ ചർച്ച ചെയ്തു.
