ന്യൂഡൽഹി: റെയിൽവേയിൽ വിവിധ തസ്തികകളിലേക്ക് അപേക്ഷകൾ ക്ഷണിക്കുന്നു. റെയിൽവേ ലെവൽ-1 ശമ്പള സ്കെയിലിലേക്കാണ് അപേക്ഷ ക്ഷണിക്കുന്നത്. 32,438 ഒളിവുകളിലേക്ക് അപേക്ഷിക്കാവുന്നതാണ്. ഫെബ്രുവരി 28 ആണ് അപേക്ഷിക്കാനുള്ള അവസാന തീയതി. ആർആർബി റിക്രൂട്ട്മെന്റ് 2025 എന്ന വെബ്സൈറ്റിൽ കയറിയാണ് അപേക്ഷിക്കേണ്ടത്.
18-നും 33-നും ഇടയിലായിരിക്കണം പ്രായം. 500 രൂപയാണ് രജിസ്ട്രേഷൻ ഫീസ്. സ്ത്രീകൾ, ട്രാൻസ്ജെൻഡേഴ്സ്, വിമുക്തഭടന്മാർ, എസ് സി, എസ്ടി, ന്യൂനപക്ഷ വിഭാഗങ്ങൾക്ക് 250 രൂപ ഫീസ് അടച്ചാൽ മതിയാകും.
അപേക്ഷിക്കുന്നതിന് ആവശ്യമായ വിശദവിവരങ്ങൾ വെബ്സൈറ്റിൽ ഉണ്ടായിരിക്കും.
ട്രാക്ക് മെയിന്റനർ, അസിസ്റ്റന്റ് ലോക്കോ ഷെഡ്, അസിസ്റ്റന്റ് ബ്രിഡ്ജ്, അസിസ്റ്റന്റ് സി ആൻഡി ഡബ്ല്യു, അസിസ്റ്റന്റ് ഡിപ്പോ, ക്യാമ്പിൻ മാൻ, പോയിന്റ്സ് മാൻ തുടങ്ങിയ തസ്തികകളിലാണ് നിയമനം.
കമ്പ്യൂട്ടർ അധിഷ്ഠിത പരീക്ഷ, ഫിസിക്കൽ എഫിഷ്യൻസി ടെസ്റ്റുകൾ, ഡോക്യുമെന്റ് വെരിഫിക്കേഷൻ, മെഡിക്കൽ പരിശോധനകൾ എന്നിവയ്ക്ക് ശേഷമായിരിക്കും നിയമിക്കുന്നത്. 18,000 രൂപ മുതലാണ് ശമ്പളം തുടങ്ങുന്നത്. അപേക്ഷിക്കുന്നവർ പത്താം ക്ലാസ് കഴിഞ്ഞിരിക്കണം.
