പാലക്കാട്; മലമ്പുഴയിൽ കടുവ പശുവിനെ ആക്രമിച്ചുകൊന്നതായി നാട്ടുകാർ. ചേമ്പന സ്വദേശി സുധർമ്മയുടെ പശുവിനെയാണ് കൊന്നത്. ചത്ത് കിടന്ന പശുവിന് സമീപം കടുവയുടേതിന് സമാനമായ കാൽപ്പാടുകളുണ്ടെന്ന് നാട്ടുകാർ ചൂണ്ടിക്കാട്ടുന്നു.
കഴിഞ്ഞദിവസം മേയാൻ വിട്ട പശുവിനെ കാണാതായതോടെ തിരഞ്ഞു ചെന്നപ്പോഴാണ് ചത്ത നിലയിൽ കണ്ടത്. വലിയ കാൽപ്പാടുകളാണ് പശുവിന് സമീപത്ത് കണ്ടെത്തിയത്. കാൽപ്പാടുകൾ കടുവയുടേത് തന്നെയെന്ന് പ്രദേശവാസികൾ ഉറപ്പിച്ചുപറയുന്നു. ഇക്കാര്യത്തിൽ വനം വകുപ്പിന്റെ സ്ഥിരീകരണത്തിനായി കാത്തിരിക്കുകയാണ്.
പശുവിന്റെ ശരീരത്തിലെ മുറിവുകൾ ഉൾപ്പെടെ പരിശോധിച്ച ശേഷം മാത്രമേ കടുവയാണെന്ന് സ്ഥിരീകരിക്കാനാകൂ. കഴിഞ്ഞ ദിവസം വയനാട് പഞ്ചാരക്കൊല്ലിയിൽ കാപ്പിത്തോട്ടത്തിൽ ജോലിക്ക് പോയ രാധയെന്ന വനവാസി വീട്ടമ്മയെ കടുവ ആക്രമിച്ച് കൊന്നിരുന്നു. ഇതിന്റെ ഭീതിയൊഴിയും മുൻപാണ് മലമ്പുഴയിലും കടുവയിറങ്ങിയതായി നാട്ടുകാർ സംശയം പ്രകടിപ്പിക്കുന്നത്.
