ആർട്ടിഫിഷ്യൽ ഇന്റലിജൻസ് അഥവാ AI… ലോകം ഇന്ന് ഏറ്റവും കൂടുതൽ ചർച്ച ചെയ്യുന്നത് ഈ പുതുതലമുറ സാങ്കേതിക വിദ്യയെക്കുറിച്ചാണ്. AI ടെക്നോളജിയെ പരമാവധി പ്രയോജനപ്പെടുത്തുന്ന രാജ്യങ്ങളിലൊന്നാണ് ചൈന. അവിടെ AI റോബോട്ടുകൾ മനുഷ്യരെ പോലെ പണിയെടുക്കുന്നുമുണ്ട്. സാങ്കേതിക വിദ്യ ഉപയോഗിച്ചുള്ള പരിപാടിയായതിനാൽ സാങ്കേതിക തകരാറുകൾ സംഭവിക്കാനുള്ള സാധ്യതയും ഏറെയാണ്. അത്തരത്തിൽ സാങ്കേതികമായി തകരാറിലായ ഒരു AI റോബോട്ട് ചൈനയിൽ പറ്റിച്ച പണിയുടെ ദൃശ്യങ്ങളാണ് ഇപ്പോൾ പുറത്തുവന്നിരിക്കുന്നത്.
ചൈനയിൽ സംഘടിപ്പിച്ച ഒരു ഫെസ്റ്റിവലിനിടെയാണ് സംഭവം. ആളുകളെ ബാരിക്കേഡ് വച്ച് നിയന്ത്രിച്ചതിന് മറുവശത്ത് ഒഴിഞ്ഞ സ്ഥലത്ത് നിരവധി റോബോട്ടുകളും സെക്യൂരിറ്റി ജീവനക്കാരുമുണ്ട്. ഫെസ്റ്റിവൽ ദൃശ്യങ്ങൾ ഷൂട്ട് ചെയ്യാനെത്തിയ വീഡിയോഗ്രാഫേഴ്സിനെയും ഇക്കൂട്ടത്തിൽ കാണാം. അങ്ങോട്ടും ഇങ്ങോട്ടും നടക്കുന്ന റോബോട്ടുകളിലൊന്ന് പെട്ടെന്ന് നിശ്ചലമാവുകയും ഇതിന് തൊട്ടുപിന്നാലെ ബാരിക്കേഡിന് അപ്പുറത്തുള്ള ആളുകളെ ആക്രമിക്കാൻ മുതിരുകയുമായിരുന്നു. സെക്യൂരിറ്റി ജീവനക്കാർ ഉടൻ ഓടിയെത്തി റോബോട്ടിനെ തടഞ്ഞു.
സാങ്കേതിക തകരാറിനെ തുടർന്നാണ് AI റോബോട്ട് പെട്ടെന്ന് നിലവിട്ട് പെരുമാറിയതെന്നാണ് റിപ്പോർട്ട്. ദൃശ്യങ്ങൾ കാണാം..
🚨🇨🇳AI ROBOT ATTACKS CROWD AT CHINESE FESTIVAL
A humanoid robot suddenly stopped, advanced toward attendees, and attempted to strike people before security intervened.
Officials suspect a software glitch caused the erratic behavior, dismissing any intentional harm.
This comes… pic.twitter.com/xMTzHCYoQf
— Mario Nawfal (@MarioNawfal) February 25, 2025
