ആലപ്പുഴ: എംഡിഎംഎയുമായി സിപിഎം ബ്രാഞ്ച് സെക്രട്ടറി പിടിയില്. ആലപ്പുഴ മുനിസിപ്പല് സ്റ്റേഡിയം കിഴക്ക് ബ്രാഞ്ച് സെക്രട്ടറി വിഘ്നേഷ്.ജെ ആണ് സൗത്ത് പോലീസിന്റെ പിടിയില് ആയത്. എസ്എഫ്ഐ മുന് ഏരിയ കമ്മിറ്റി അംഗം ആയിരുന്നു വിഘ്നേഷ്. ആലപ്പുഴ ഇഎംഎസ് സ്റ്റേഡിയത്തില് നിന്നാണ് പിടിയിലായത്.
രാത്രി 9.30 യോടെയാണ് പൊലീസ് ഇയാളെ കസ്റ്റഡിയിലെടുക്കുന്നത്. 0.24 ഗ്രാം എംഡിഎംഎ.യും രണ്ട് ഒഴിഞ്ഞ സിറിഞ്ചുകളും ഇയാളിൽ നിന്നും കണ്ടെടുത്തു . വില്പന നടത്തി ലഭ്യമായ 2500 രൂപയും പൊലീസ് കണ്ടെടുത്തു.വിഘ്നേഷിന് ഉപയോഗവും വില്പ്പനയും ഉണ്ടെന്ന് പോലീസ് അറിയിച്ചു. ഹരിപ്പാട് നിന്ന് എംഡിഎംഎയുമായി പിടികൂടിയയാളില് നിന്നുമാണ് വിവരം ലഭിച്ചത്.
എംഡിഎംഎ വിഘ്നേഷ് ആണ് നല്കിയതെന്ന വിവരം ലഭിച്ചതിന്റെ അടിസ്ഥാനത്തിലാണ് പ്രതിയെ പിടികൂടിയത്. കേരളാ യൂണിവേഴ്സിറ്റി മുന് യൂണിയന് കൗണ്സറുമാണ് ഇയാള്. ആലപ്പുഴയില് സിപിഎമ്മിലെയും ഡിവൈഎഫ്ഐയുടെയും ഒരു വിഭാഗം പ്രവര്ത്തകര് ലഹരി മാഫിയയിലെ കണ്ണികളാണെന്ന് നേരത്തെ തന്നെ വിവരമുണ്ട്. നിരോധിത ലഹരി ഉത്പന്നങ്ങള് കടത്തിയതിനും വില്പ്പന നടത്തിയതിനും ഏക്സൈസും പോലീസും നേരത്തെ സിപിഎം, ഡിവൈഎഫ്ഐ പ്രവര്ത്തകരെ അറസ്റ്റ് ചെയ്തിരുന്നു.
ഇഎംഎസ് സ്റ്റേഡിയം ലഹരിമാഫിയകളുടെ താവളമാണെന്ന് നേരത്തെ തന്നെ പരാതികള് ഉയര്ന്നിരുന്നു.
മുന് എസ്എഫ്ഐ നേതാവില് നിന്ന് മാരകമായ എംഡിഎംഎ പിടികൂടിയ സാഹചര്യത്തില് ഇയാളുമായി ബന്ധമുള്ള മറ്റ് എസ്എഫ്ഐക്കാരെയും അന്വേഷണ പരിധിയില് കൊണ്ടുവരണമെന്ന് ആവശ്യം ഉയരുന്നുണ്ട് .
പാര്ട്ടി അംഗങ്ങളാരും മദ്യപിക്കില്ലെന്ന് സംസ്ഥാന സെക്രട്ടറി പറഞ്ഞതിന്റെ അടുത്ത ദിവസമാണ് ബ്രാഞ്ച് സെക്രട്ടറി മയുക്കുമരുന്ന് വില്പ്പനയുമായി ബന്ധപ്പെട്ട് അറസ്റ്റിലാകുന്നത്. എന്നാല് പൊലീസ് സംഭവം രഹസ്യമാക്കി വെക്കുകയായിരുന്നു .
