കൊന്നിട്ട് പോടാ..! റിസ്വാനെ ഇല്ലാതാക്കി ബ്രാഡ് ഹോ​ഗ്, ഇത്രയും വേണ്ടിയിരുന്നില്ലെന്ന് ആരാധകർ

മുൻ ഓസ്ട്രേലിയൻ താരം ബ്രാഡ് ഹോ​ഗ് പങ്കുവച്ച ഒരു ട്രോൾ വീ‍ഡിയോയാണ് സോഷ്യൽ മീഡിയയിൽ ട്രെൻഡിം​ഗിലായത്. പാകിസ്താൻ വൈറ്റ് ബോൾ ക്യാപ്റ്റൻ മുഹമ്മദ് റിസ്വാനെ കളിയാക്കുന്നതാണ് വീ‍ഡിയോ. താരത്തിന്റെ ഇം​ഗ്ലീഷിനെയാണ് ഓസ്ട്രേലിയൻ താരം പരിഹസിക്കുന്നത്. റിസ്വാന് സമാനമായൊരാളെ ഉൾപ്പെടുത്തിയാണ് ട്രോൾ വീഡിയോ നിർമിച്ചിരിക്കുന്നത്.

നിങ്ങൾ എന്താണ് വിരാട് കോലിയെക്കുറിച്ചുള്ള അഭിപ്രായം എന്നായിരുന്നു ഹോ​ഗിന്റെ ചോദ്യം. റിസ്വാനെ അനുകരിക്കുന്നയാളുടെ മറുപടി ഇങ്ങനെ: ” ഞാനും വിരാടും ഒരുപോലെയാണ്, അവൻ വെള്ളം കുടിക്കുന്നു, ഞാൻ വെള്ളം കുടിക്കുന്നു. അവൻ ഭക്ഷണം കഴിക്കുന്നു, ഞാൻ ഭക്ഷണം കഴിക്കുന്നു. നമ്മൾ രണ്ടുപേരും ഒരുപോലെയാണ്; ഒരു വ്യത്യാസവുമില്ല .”

പാകിസ്താന്റെ തന്ത്രത്തെക്കുറിച്ച് ചോദിച്ചപ്പോൾ റിസ്‌വാന്റെ പതിവ് പ്രതികരണങ്ങളിലൊന്നായ “യാ വിൻ ഹേ, ലേൺ” എന്നായിരുന്നു അപരന്റെ മറുപടി. ബ്രാഡ് ഹോഗ് തമാശയായി റിസ്‌വാന്റെ ഇംഗ്ലീഷ് പ്രാവീണ്യത്തെ പ്രശംസിച്ചു, ” അതെ, പാകിസ്താനിലെ എല്ലാവരും എന്റെ ഇംഗ്ലീഷ് വളരെ നല്ലതാണെന്ന് പറയുന്നു .” എന്നായിരുന്നു അപരൻ നൽകിയ മറുപടി. എന്നാൽ വീഡിയോ പാകിസ്താൻ ആരാധകർക്ക് അത്ര ദഹിച്ചിട്ടില്ല. ഹോഗിനെതിരെ അവർ രംഗത്തുവന്നിട്ടുണ്ട്.

Mohammad Rizwan = Virat Kohli

Virat is also drinking water i am also drinking water and he is also eating food and I’m also eating food 😭😭 pic.twitter.com/vrgwxI6gJT

— Being Political (@BeingPolitical1) March 16, 2025