പടക്കനിർമാണ ശാലയിൽ വമ്പൻ പൊട്ടിത്തെറി, അഞ്ചുപേർക്ക് ദാരുണാന്ത്യം

​ഗുജറാത്തിലെ ബനസ്കന്തയിലെ പടക്കനിർമാണ ശാലയിലുണ്ടായ സ്ഫോടനത്തിൽ അഞ്ചുപേർക്ക് ദാരുണാന്ത്യം. ബനസ്കന്ത ജില്ലയിലെ ദീസ ഏരിയയിലെ വ്യവസായ മേഖലയിലാണ് പൊട്ടിത്തറിയുണ്ടായത്. ഫാക്ടറിയുടെ വിവധ ഭാ​ഗങ്ങൾ സ്ഫോടനത്തിൽ തകർന്നു. ഇന്ന് രാവിലെയാണ് സ്ഫോടന വിവരത്തെക്കുറിച്ച് അറിഞ്ഞതെന്നും ഫയർഫോഴ്സ് എത്തി തീ നിയന്ത്രണ വിധേയമാക്കിയെന്നും കളക്ടർ മിഹിർ പട്ടേൽ പറഞ്ഞു. അഞ്ചു തൊഴിലാളികൾ മരിച്ചു.

നാലുപേർക്ക് ​ഗുരുതരമായി പരിക്കേറ്റു. ഇവരെ വിവിധ ആശുപത്രികളിൽ പ്രവേശിപ്പിച്ചു. ഫാക്ടറിയിലെ വലിയ സ്ലാബുകൾ തകർന്നു വീണിട്ടുണ്ട്. ഇതിനടയിൽ ആളുകൾ കുടുങ്ങിയിട്ടുണ്ടോ എന്ന പരിശോധകൾ നടക്കുന്നുണ്ടെന്നും കളക്ടർ വ്യക്തമാക്കി. അതേസമയം തകർന്ന കോൺക്രീറ്റ് അവശിഷ്ടങ്ങൾക്കും കല്ലുകൾക്കുമിടയിൽ തൊഴിലാളികൾ കുടുങ്ങിയിട്ടുണ്ടെന്ന് ഇൻസ്പെക്ടർ വിജയ് ചൗധരി അറിയിച്ചു.

#BanaskanthaBlaze #GujaratNews #BREAKING:
Tragedy strikes in #Gujarat‘s #Banaskantha as a massive fire breaks out at a firecracker factory, claiming 3 lives. Our thoughts are with the families of the victims. #FirecrackerFactoryFire #IndustrialAccident pic.twitter.com/J6lob2GVG5

— Lokmat Times Nagpur (@LokmatTimes_ngp) April 1, 2025