എന്ത് രീതിയിലുള്ള സാഹസം നടത്തിയിട്ടായാലും അല്പം വൈറലാവുക എന്നതാണ് ഇന്നത്തെ യുവതലമുറയിലെ ചില വിരുതന്മാരുടെ ചിന്ത. ഇനി ജീവൻ തന്നെ പോയാലും വേണ്ടില്ല, ഒന്ന് റീൽ സ്റ്റാറാകണം. അത്തരത്തിൽ വൈറലാകാൻ നോക്കി അകത്തായ ഒരു യുവാവിന്റെ വീഡിയോയാണ് സോഷ്യൽ മീഡിയയിൽ വിമർശനത്തിന് വിധേയമാകുന്നത്. യുപിയിലെ ഉന്നാവോയിലാണ് സംഭവമെന്നാണ് വിവരം.
ട്രെയിൻ കടന്നുപോകുമ്പോൾ ട്രാക്കിൽ കിടന്നായിരന്നു ഈ വിരുതന്റെ റീൽസ് ചിത്രീകരണം. മൊബൈൽ നിവർത്തിവച്ച് ഇയാൾ ട്രാക്കിൽ കിടക്കുകയായിരുന്നു. തൊട്ടുപിന്നാലെ വേഗത്തിൽ ഇയാൾക്ക് മുകളിലൂടെ ട്രെയിൻ കടന്നു പോകുന്നതുമായ ഭീകര ദൃശ്യങ്ങളാണ് സോഷ്യൽ മീഡിയയിൽ വൈറലായത്.
ട്രെയിൻ വരുന്നതിന് നിമിഷങ്ങൾക്ക് മുൻപ് ഇയാൾ പാളത്തിൽ റീൽസെടുക്കാനുള്ള ഒരുക്കം നടത്തുന്നതും വീഡിയോയിൽ കാണാം. വീഡിയോ പുറത്തുവന്നതോടെ യുവാവിനെതിരെ വിമർശനം ശക്തമായി. എന്നാൽ ചിലർ ഇത് എഡിറ്റിംഗ് വീഡിയോയാണെന്നും വാദിക്കുന്നു. ദൃശ്യങ്ങളുടെ വ്യത്യസ്തത ചൂണ്ടിക്കാട്ടിയാണിത്. അതേസമയം 22-കാരനായ രഞ്ജിത്ത് ചൗരസ്യ എന്ന യുവാവിനെ ജിആർപി ഉദ്യോഗസ്ഥർ അറസ്റ്റ് ചെയ്തു. കാൺപൂർ-ലക്നൗ റൂട്ടിലെ കുസുമ്പി സ്റ്റേഷന് സമീപമായിരുന്നു സംഭവമെന്നാണ് സൂചന. വന്ദേഭാരത് ട്രെയിനിന് മുന്നിലാണ് ഇയാൾ കിടന്നത്.
The name of this reelputra is Ranjit Chaurasia. He lay down on the track and let the whole train pass over him and Recorded a Reel of it, Now the reelputra has been arrested and is going to jail, Unnao UP
pic.twitter.com/NRO7VLAEtj— Ghar Ke Kalesh (@gharkekalesh) April 8, 2025
