തിരുവനന്തപുരം: ഫുട്ബോള് ഇതിഹാസം ലയണല് മെസിയെ കേരളത്തിലെത്തിക്കാമെന്ന് വാഗ്ദാനം ചെയ്ത് നടന്നതായി ആരോപണമുള്ള സാമ്പത്തിക ക്രമക്കേടില് പ്രത്യേക അന്വേഷണസംഘത്തെ (എസ്ഐടി) നിയോഗിച്ചു. എഡിജിപി പി വിജയന്റെ നേതൃത്വത്തിലുള്ള അന്വേഷണസംഘത്തില് ക്രൈംബ്രാഞ്ചിലെയും വിജിലന്സിലെയും ഉദ്യോഗസ്ഥരും ഉണ്ടാകും. ആവശ്യാനുസരണം കൂടുതല് ഉദ്യോഗസ്ഥരെ സംഘത്തില് ഉള്പ്പെടുത്തും.
മെസിയുടെ പേരുമായി ബന്ധപ്പെട്ട സാമ്പത്തിക ഇടപാടുകളില് സ്പോണ്സറെ തെരഞ്ഞെടുത്തത് ഉള്പ്പെടെയുള്ള കാര്യങ്ങള് സമഗ്രമായി അന്വേഷിക്കാനാണ് സര്ക്കാര് തീരുമാനം. സംഭവവുമായി ബന്ധപ്പെട്ട മുഴുവന് കാര്യങ്ങളും പരിശോധിക്കുന്ന തരത്തിലായിരിക്കും അന്വേഷണം. എഫ്ഐആര് രജിസ്റ്റര് ചെയ്തിട്ടില്ലാത്ത സാഹചര്യത്തില് പ്രത്യേക അന്വേഷണസംഘത്തെ രൂപീകരിക്കുന്നതില് നിയമപരമായ തടസമില്ലെന്ന് ഡയറക്ടര് ജനറല് ഓഫ് പ്രോസിക്യൂഷന് ആഭ്യന്തരവകുപ്പിന് നിയമോപദേശം നല്കിയിരുന്നു.
എഫ്ഐആര് ഇല്ലാതെ എസ്ഐടി രൂപീകരിക്കുന്നത് പിന്നീട് നിയമപരമായ തിരിച്ചടിക്ക് കാരണമാകുമോയെന്ന കാര്യവും ആഭ്യന്തരവകുപ്പ് പരിശോധിച്ചിരുന്നു. ഇതിന് പിന്നാലെയാണ് നിയമോപദേശം തേടിയത്. അന്വേഷണസംഘം രൂപീകരിക്കുന്നതില് നിയമതടസമില്ലെന്ന വ്യക്തത ലഭിച്ചതോടെയാണ് പ്രത്യേക അന്വേഷണസംഘത്തെ പ്രഖ്യാപിച്ചത്. മെസിയുടെ പേരില് നടന്നതായി ആരോപണമുള്ള സാമ്പത്തിക ഇടപാടുകള്, സ്പോണ്സര് തിരഞ്ഞെടുപ്പ് ഉള്പ്പെടെയുള്ള നടപടിക്രമങ്ങള് എന്നിവയെല്ലാം അന്വേഷണത്തിന്റെ പരിധിയില് വരും. നേരത്തെ തന്നെ എസ്ഐടി രൂപീകരിക്കുമെന്ന് ആഭ്യന്തരമന്ത്രി രമേശ് ചെന്നിത്തല അറിയിച്ചിരുന്നെങ്കിലും ഉത്തരവ് പുറത്തിറങ്ങിയിരുന്നില്ല. ഇതിന് പിന്നാലെയാണ് വിഷയത്തില് നിയമോപദേശം തേടിയത്.
