കീവ്: റഷ്യ-യുക്രൈന് യുദ്ധം അവസാനിപ്പിക്കുന്നതിനായി ഇടപെടാന് ഇന്ത്യ തയ്യാറാണെന്ന് വിദേശകാര്യമന്ത്രി എസ്. ജയശങ്കര്. ആവശ്യമെങ്കില് ഇരു രാജ്യങ്ങള്ക്കുമിടയില് മധ്യസ്ഥത വഹിക്കാനും ഇന്ത്യ സന്നദ്ധമാണെന്ന് അദ്ദേഹം വ്യക്തമാക്കി. യുക്രൈന് തലസ്ഥാനമായ കീവില് യുക്രൈന് വിദേശകാര്യമന്ത്രി ആന്ഡ്രി സിബിഹയ്ക്കൊപ്പമുള്ള സംയുക്ത മാധ്യമസമ്മേളനത്തിലായിരുന്നു ജയശങ്കറിന്റെ പ്രതികരണം.
”ഇന്ത്യക്ക് ഏതെങ്കിലും വിധത്തില് സഹായിക്കാനാകുമെങ്കില്, ഞങ്ങള് അതിന് സന്നദ്ധരാണ്,” എന്നായിരുന്നു ജയശങ്കറിന്റെ പ്രതികരണം. റഷ്യയും യുക്രൈനും തമ്മിലുള്ള സംഘര്ഷം തുടരുന്ന സാഹചര്യത്തില് സമാധാന ശ്രമങ്ങള്ക്ക് ഇന്ത്യയുടെ പിന്തുണ വ്യക്തമാക്കുന്നതാണ് അദ്ദേഹത്തിന്റെ പരാമര്ശം. റഷ്യ-യുക്രൈന് സംഘര്ഷത്തിന്റെ പശ്ചാത്തലത്തില് കരിങ്കടലില് ചരക്കുകപ്പലുകള്ക്ക് നേരെയുണ്ടായ ആക്രമണങ്ങളും ജയശങ്കറും യുക്രൈന് വിദേശകാര്യമന്ത്രിയും തമ്മിലുള്ള ചര്ച്ചയില് വിഷയമായി.
മേഖലയില് സമാധാനവും സ്ഥിരതയും ഉറപ്പാക്കുന്നതിനുള്ള വിവിധ വിഷയങ്ങളും ഇരുവരും ചര്ച്ച ചെയ്തു. ത്രിദിന വിദേശ സന്ദര്ശനത്തിന്റെ ഭാഗമായാണ് ജയശങ്കര് യുക്രൈനിലെത്തിയത്. സെപ്റ്റംബര് മൂന്ന് മുതല് അഞ്ച് വരെ നീളുന്ന സന്ദര്ശനത്തില് യുക്രൈനിന് പുറമെ പോളണ്ടും അദ്ദേഹം സന്ദര്ശിക്കും. പോളണ്ട് സന്ദര്ശനത്തിനിടെ ഉപപ്രധാനമന്ത്രി റാഡോസ്ലോ സികോര്സ്കിയുമായും ജയശങ്കര് കൂടിക്കാഴ്ച നടത്തും. കിര്ഗിസ്താനിലെ ബിഷ്കെക്കില് നടന്ന ഷാങ്ഹായി ഉച്ചകോടിക്കിടെ പ്രധാനമന്ത്രി നരേന്ദ്ര മോദി റഷ്യന് പ്രസിഡന്റ് വ്ലാദിമിര് പുടിനുമായി കൂടിക്കാഴ്ച നടത്തിയിരുന്നു.
അവസാനമില്ലാത്ത യുദ്ധത്തില് തുടരുന്നതിന് പകരം യുദ്ധത്തിന്റെ അവസാനത്തിലേക്കാണ് നീങ്ങേണ്ടതെന്ന് മോദി ആഹ്വാനം ചെയ്തിരുന്നു. ഇതിന് പിന്നാലെയാണ് റഷ്യ-യുക്രൈന് യുദ്ധത്തില് ഇന്ത്യക്ക് ഇടപെടാനാകുമെങ്കില് അതിന് തയ്യാറാണെന്ന ജയശങ്കറിന്റെ നിലപാട് പുറത്തുവരുന്നത്. യുദ്ധം അവസാനിപ്പിക്കുന്നതിനുള്ള സമാധാന ശ്രമങ്ങളില് ഇന്ത്യയുടെ നിലപാട് കൂടുതല് വ്യക്തമായി അവതരിപ്പിക്കുന്നതാണ് ജയശങ്കറിന്റെ പരാമര്ശം.
