ദാൽ തടാകത്തിന് സമീപം ഷെൽ ആക്രമണം; തകർന്ന ഷെല്ലുകൾ കണ്ടെടുത്തു

ശ്രീന​ഗർ: കശ്മീരിലെ അതിർത്തി പ്രദേശങ്ങൾ ലക്ഷ്യമിട്ട് പാകിസ്താന്റെ ആക്രമണങ്ങൾ തുടരുന്നതിനിടെ ദാൽ തടാകത്തിൽ നിന്നും തകർന്ന ഷെൽ കണ്ടെത്തി. ഷെൽ ആക്രമണങ്ങൾ നടന്നതായാണ് നി​ഗമനം. കണ്ടെത്തിയ വസ്തുക്കൾ പരിശോധനയ്‌ക്കായി മാറ്റിയിട്ടുണ്ട്. വസ്തു കണ്ടെത്തുന്നതിന് മണിക്കൂറുകൾക്ക് മുമ്പ് സ്ഥലത്ത് ഉ​ഗ്രശബ്​ദം കേട്ടതായി പ്രദേശവാസികൾ പറഞ്ഞു.

വസ്തു വീണതിന് പിന്നാലെ തടാകത്തിന്റെ മുകൾഭാ​ഗത്ത് നിന്ന് പുക ഉയർന്നിരുന്നു. ലസ്ജാനിൽ നിന്നും സംശയാസ്പദമായ മറ്റൊരു വസ്തു കണ്ടെടുത്തിരുന്നു. കശ്മീരിലെ അതിർത്തി മേഖലകളിൽ പാകിസ്താൻ തുടർച്ചയായി ആക്രണം നടത്തുന്നു. നിരവധി പേർക്ക് പരിക്കേറ്റു.

VIDEO | A missile-like object landed deep inside the Dal Lake — a major tourist attraction in Srinagar — after loud explosions rocked the city on Saturday morning, officials said.

Smoke bellowed from the surface of the lake when the object landed, the officials said.… pic.twitter.com/qC8a6vNKsr

— Press Trust of India (@PTI_News) May 10, 2025

കഴിഞ്ഞ ദിവസം രാത്രിയിലും പാകിസ്താൻ അതിർത്തി പ്രദേശങ്ങൾ ലക്ഷ്യമിട്ട് ഡ്രോണുകളും മിസൈലുകളും ഉപയോ​ഗിച്ച് ആക്രമണം നടത്തിയിരുന്നു. പാക് ആക്രമണത്തെ ഇന്ത്യൻ സൈന്യം ശക്തമായി ചെറുക്കുകയും തിരിച്ചടിക്കുകയും ചെയ്തു.