തിരുവനന്തപുരം: പിണറായി വിജയനെ പ്രകീർത്തിക്കുന്ന ഡോക്യുമെൻ്ററിയുടെ ടീസർ പുറത്തിറക്കി ഇടത് സംഘടനയായ സെക്രട്ടറിയേറ്റ് എംപ്ലോയിസ് അസോസിയേഷൻ നിർമിക്കുന്ന ഡോക്യുമെന്ററിയുടെ ടീസറാണ് പുറത്തിറക്കിയത്.അടിമുടി പുകഴ്ത്തലുകളിൽ നിറഞ്ഞു നിൽക്കുന്നതാണ് ഡോക്യുമെന്ററിയുടെ പ്രമേയം.
അസോസിയേഷന്റെ ഫെയ്ബുക്ക് പേജിലൂടെയാണ് ടീസർ പുറത്തുവിട്ടത്. നേമം സ്വദേശി അൽത്താഫ് ആണ് ഡോക്യുമെന്ററി സംവിധാനം ചെയ്യുന്നത്. ജീവചരിത്രവും ഭരണ നേട്ടങ്ങളും നേതൃപാടവവുമൊക്കെയാണ് പറയുന്നതെന്നാണ് വാദം. ഒരു സർവീസ് സംഘടന ഒരു മുഖ്യമന്ത്രിയെ പുകഴ്ത്തി ഡോക്യുമെൻ്ററി പുറത്തിറക്കുന്നത് ആദ്യമാണ്. 16 ലക്ഷം രൂപയാണ് പി.ആർ ഡോക്യുമെന്ററിയുടെ ചെലവെന്നാണ് സൂചന.
നേരത്തെ സെക്രട്ടറിയേറ്റ് എംപ്ലോയിസ് അസോസിയേഷൻ പുറത്തിറക്കിയ ‘ചെമ്പടയുടെ കാവാലാൾ എന്ന വാഴ്ത്തുപാട്ടും ഏറെ പരിഹാസത്തിന് പാത്രമായിരുന്നു. ഇതിന് പിന്നാലെയാണ് വീണ്ടും ഡോക്യുമെന്ററിയുമായെത്തുന്നത്. നാളെ കമലാഹസനാണ് ഡോക്യുമെന്ററി പ്രകാശനം ചെയ്യുന്നത്. ഡോക്യുമെന്ററി വിവാദമാക്കുന്നതിന് പിന്നിൽ സെക്രട്ടറിയേറ്റിലെ സംഘടനാ ശത്രുക്കളാണെന്നാണ് അസോസിയേഷന്റെ വാദം.
https://www.facebook.com/share/r/16m8cF96cP/https://www.facebook.com/share/r/16m8cF96cP/
