എലിമിനേറ്ററിനൊരുങ്ങുന്ന മുംബൈക്ക് തിരിച്ചടി, രണ്ടുപേർക്ക് പരിക്കെന്ന് റിപ്പോർട്ട്

എലിമിനേറ്ററിനൊരുങ്ങന്ന മുംബൈ ഇന്ത്യൻസ് വമ്പൻ തിരിച്ചടിയെന്ന് റിപ്പോർട്ട്. പേസർ ദീപക് ചാഹറിനും ബാറ്റർ തിലക് വർമയ്‌ക്കും എലിമിനേറ്റർ നഷ്ടപ്പെടുമെന്നാണ് സൂചന. ബോൾട്ടിനും ബുമ്രയ്‌ക്കുമാെപ്പം ബൗളിം​ഗ് നിരയിലെ നിർണായക ഭാ​ഗമാണ് ദീപക് ചാഹർ.
പഞ്ചാബിനെതിരായ മത്സരത്തിൽ പരിക്കേറ്റ താരം ഇതുവരെ അതിൽ നിന്ന് മുക്തനായിട്ടില്ലെന്നാണ് വിവരം. കാലിൽ ടേപ്പ് ചുറ്റിയാണ് താരം നടക്കുന്നത്. ഇതേ മത്സരത്തിൽ തന്നെയാണ് തിലക് വർമയ്‌ക്കും കാൽമുട്ടിന് പരിക്കേറ്റത്.

ടീമിനൊപ്പം മുല്ലൻപൂരിലേക്ക് യാത്ര ചെയ്യുന്ന ഇരുവരും നടക്കാൻ ബുദ്ധിമുട്ടുന്ന വീഡിയോകൾ പുറത്തുവന്നു. പഞ്ചാബിനെതിരെയുള്ള മത്സരത്തിലെ തോൽവിയാണ് മുംബൈക്ക് തിരിച്ചടിയായത്. ഇതോടെ അവർക്ക് പോയിൻ്റ് ടേബിളിൽ നാലാം സ്ഥാനത്ത് ഒതുങ്ങേണ്ടിവന്നു. അതേസമയം മുംബൈയുടെ മധ്യനിരയിൽ തിലക് വർമയ്‌ക്ക് ഇതുവരെയും സ്ഥിരത കൈവരിക്കാൻ കഴിഞ്ഞിട്ടില്ല. താളം കണ്ടെത്താൻ ബുദ്ധിമുട്ടുന്ന വർമയെ ഒരു മത്സരത്തിൽ പിൻവലിക്കുകയും ചെയ്തിരുന്നു. ഇതിനിടെ വി​ദേശതാരങ്ങളായ കോർബിൻ ബോഷും വിൽ ജാക്സും റിയാൻ റിക്കെൽട്ടണും നാട്ടിലേക്ക് മടങ്ങിയിരുന്നു.

Seems Both Tilak Varma & Deepak Chahar Unlikely to Play The Eliminator Against GT. in Recent Video Both Looked Limping While Travelling to Mullanpur. Its Ain’t Looking Good Bruv 🚶 pic.twitter.com/aqdqAO6kRS

— яιşнí. (@BellaDon_3z) May 29, 2025