ഭോപ്പാൽ: പ്രധാനമന്ത്രി നരേന്ദ്രമോദി ഇന്ന് ഭോപ്പാലിൽ. ഹോൾക്കർ രാജവംശത്തിലെ അഹല്യഭായ് ഹോൾക്കറുടെ 300-ാം ജന്മവാർഷികത്തോടനുബന്ധിച്ച് പ്രധാനമന്ത്രി ഭോപ്പാൽ സന്ദർശിക്കും. ഓപ്പറേഷൻ സിന്ദൂറിന് ആദരമർപ്പിച്ചുകൊണ്ട് 15,000 സ്ത്രീകൾ പങ്കെടുക്കുന്ന മഹിളാസമ്മേളനത്തിൽ പ്രധാനമന്ത്രി പങ്കെടുക്കും.
പരിപാടിയിൽ 860 കോടി രൂപയുടെ നദീതട പദ്ധതികൾ പ്രധാനമന്ത്രി ഉദ്ഘാടനം ചെയ്യും. ഉജ്ജയിനിൽ നടക്കുന്ന മഹാകുംഭമേളയുടെ ഒരുക്കങ്ങൾക്കായാണ് 860 കോടി രൂപ ചെലവിടുന്നത്.
വിവിധ വികസന പദ്ധതികളുടെ തറക്കല്ലിടലും അദ്ദേഹം നിർവ്വഹിക്കും. ഇൻഡോർ മെട്രോയുടെ യെല്ലോ ലൈൻ ഉദ്ഘാടനം ചെയ്യും. അടിസ്ഥാനസൗകര്യങ്ങൾ ശാക്തീകരിക്കുന്നതിന്റെയും മെച്ചപ്പെടുത്തുന്നതിന്റെയും ഭാഗമായി
നിരവധി വികസന പദ്ധതികൾ പ്രധാനമന്ത്രി രാജ്യത്തിന് സമർപ്പിക്കും.
സംസ്ഥാനത്ത് നവീകരിച്ച വിമാനത്താവളങ്ങളും ഉദ്ഘാടനം ചെയ്യും. ആരാേഗ്യ സംരക്ഷണം, ടൂറിസം, വിദ്യാഭ്യാസം, വ്യവസായം തുടങ്ങിയ മേഖലകളുടെ വികസനത്തിന് വേണ്ടിയുള്ള പദ്ധതികൾക്ക് പ്രധാനമന്ത്രി തുടക്കമിടും.
