ബെം​ഗളൂരുവിലെ ദുരന്തം! മരിച്ചവരുടെ കുടുംബങ്ങൾക്ക് നഷ്ടപരിഹാരം പ്രഖ്യാപിച്ച് ആർ.സി.ബി

റോയൽ ചലഞ്ചേഴ്സ് ബെം​ഗളൂരുവിന്റെ കിരീട വിജയം ആഘോഷിക്കാനെത്തിയവർ തിക്കിലും തിരക്കിലും പെട്ട് മരിച്ച സംഭവത്തിൽ നഷ്ടപരിഹാരം പ്രഖ്യാപിച്ച് ഫ്രാഞ്ചൈസി. മരിച്ച 11 പേരുടെ കുടുംബങ്ങൾക്ക് 10 ലക്ഷം രൂപ വീതം നൽകുമെന്ന് ആർ.സി.ബി വ്യക്തമാക്കി.

വിജയാഘോഷം നടക്കുന്നതിനിടെ ചിന്നസ്വാമി സ്റ്റേഡിയത്തിന് മുന്നിലാണ് അപകടമുണ്ടായത്. 11 പേർക്ക് ജീവൻ നഷ്ടമാവുകയും അമ്പതോളം പേർക്ക് പരിക്കേൽക്കുകയും ചെയ്തിരുന്നു. അതേസമയം പരിക്കേറ്റവരുടെ ചികിത്സയും ടീം ഏറ്റെടുത്തിട്ടുണ്ട്. ആർസിബി കെയേഴ്സ് ഫണ്ട് എന്ന പേരിൽ ഇവരുടെ ചികിത്സയ്‌ക്കായി പണം സ്വരൂപിക്കും.

കഴിഞ്ഞ ദിവസം അഞ്ചുമണിക്കാണ് വിക്ടറി പരേഡ് നിശ്ചയിച്ചിരുന്നത്. ഇതിന് പൊലീസിന്റെ മുന്നറിയിപ്പുണ്ടായിരുന്നതായാണ് വിവരം. എന്നാൽ മുന്നൊരുക്കം നടത്താനോ തിരക്ക് നിയന്ത്രിക്കാനോ വേണ്ട പൊലീസുകാർ പ്രദേശത്തുണ്ടായിരുന്നില്ല. മൂന്നുലക്ഷത്തിലേറെ പേർ വിജയാഘോഷത്തിന് എത്തിയെന്നാണ് സൂചന. 30,000 മായിരുന്നു സ്റ്റേഡിയത്തിന്റെ ശേഷി. ആർ.സി.ബിയുടെ സോഷ്യൽ മീഡിയ പേജിലൂടെയാണ് വിക്ടറി പരേഡിന്റെ കാര്യം പ്രഖ്യാപിക്കപ്പെട്ടത്. ഇതിൽ അന്വേഷണം നടത്താനാണ് മാനേജ്മെന്റ് തീരുമാനം.

𝗢𝗳𝗳𝗶𝗰𝗶𝗮𝗹 𝗦𝘁𝗮𝘁𝗲𝗺𝗲𝗻𝘁: 𝗥𝗼𝘆𝗮𝗹 𝗖𝗵𝗮𝗹𝗹𝗲𝗻𝗴𝗲𝗿𝘀 𝗕𝗲𝗻𝗴𝗮𝗹𝘂𝗿𝘂

The unfortunate incident in Bengaluru yesterday has caused a lot of anguish and pain to the RCB family. As a mark of respect and a gesture of solidarity, RCB has announced a financial… pic.twitter.com/C50WID1FEI

— Royal Challengers Bengaluru (@RCBTweets) June 5, 2025