ന്യൂഡൽഹി: ഡൽഹി വിമാനത്താവളത്തിൽ നിന്നും ജമ്മുകശ്മീരിലേക്ക് തിരിച്ച എയർ ഇന്ത്യ എക്സ്പ്രസ് വിമാനം തിരിച്ചിറക്കി. സാങ്കേതിക തകരാറിനെ തുടർന്നാണ് അടിയന്തരമായി ലാൻഡ് ചെയ്തത്. ജമ്മുകശ്മീരിലേക്ക് പോയ IX2564 വിമാനത്തിലാണ് സാങ്കേതിക തകരാറ് കണ്ടെത്തിയത്.
വിമാനം പുറപ്പെട്ടതിന് മിനിറ്റുകൾക്ക് പിന്നാലെ തിരിച്ചിറക്കുകയായിരുന്നു. പകരമായി മറ്റൊരു വിമാനം സർവീസ് നടത്തി. യാത്രക്കാർക്ക് വേണ്ട എല്ലാ സൗകര്യങ്ങളും വിമാനത്താവളത്തിൽ ഒരുക്കിയിരുന്നു.
കഴിഞ്ഞ ദിവസം തിരുവനന്തപുരത്ത് നിന്നും ഡൽഹിയിലേക്ക് തിരിച്ച എയർ ഇന്ത്യ വിമാനം പക്ഷിയിടിച്ചതിനെ തുടർന്ന് തിരിച്ചിറക്കിയിരുന്നു.
