ആലപ്പുഴ: കെട്ടിടനിർമാണത്തൊഴിലാളി വിഷക്കായ കഴിച്ച് ജീവനൊടുക്കി. മംഗലം വാർഡ് പള്ളിപറമ്പിൽ വീട്ടിൽ പി ജെ ബെന്നി (51) ആണ് മരിച്ചത്. ലോഡ്ജിൽ മുറിയെടുത്ത ശേഷമായിരുന്നു ആത്മഹത്യ.
വെള്ളിയാഴ്ച വൈകിട്ട് പുലയൻവഴിക്ക് സമീപത്താണ് സംഭവം. ബെന്നി ആത്മഹത്യചെയ്യാനാണ് ലോഡ്ജിൽ മുറിയെടുത്തത്. ഏറെനേരം കഴിഞ്ഞിട്ടും ബെന്നിയെ പുറത്ത് കാണാത്തതിനെത്തുടർന്ന് സംശയം തോന്നിയ ലോഡ്ജ് ജീവനക്കാരൻ വീട്ടുകാരെയും ബെന്നിയെ അറിയാവുന്ന ആളുകളെയും വിവരമറിയിക്കുകയായിരുന്നു.
ബന്ധുക്കളും ലോഡ്ജ് ജീവനക്കാരും ചേർന്ന് വാതിൽ പൊളിച്ച് മുറിക്കകത്ത് കടന്നപ്പോഴാണ് വിഷക്കായ കഴിച്ച് അവശനായ നിലയിൽ ബെന്നിയെ കണ്ടെത്തുന്നത്. ഉടൻ തന്നെ ഇയാളെ വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റുമോർട്ടം നടത്തി ബന്ധുക്കൾക്ക് വിട്ടുകൊടുത്തു. വിഷക്കായ കഴിച്ചതാണ് മരണകാരണമെന്നാണ് മെഡിക്കൽ റിപ്പോർട്ട്.
