മുൻ മുഖ്യമന്ത്രി വി എസ് അച്യുതാനന്ദന്റെ നിര്യാണത്തിൽ അനുശോചനം രേഖപ്പെടുത്തി കേന്ദ്രമന്ത്രി സുരേഷ് ഗോപി. ഫെയ്സ്ബുക്കിലൂടെയാണ് അനുശോചനം അറിയിച്ചത്. മലയാളികളുടെ സ്വന്തം സമരനായകൻ വി എസ് അച്യുതാനന്ദന് ആദരാഞ്ജലികൾ- എന്ന് സുരേഷ് ഗോപി ഫെയ്സ്ബുക്കിൽ കുറിച്ചു.
വൈകുന്നേരം 3.20-ന് പട്ടം എസ്യുടി ആശുപത്രിയിലായിരുന്നു വിഎസ് അച്യുതാനന്ദന്റെ അന്ത്യം. മുഖ്യമന്ത്രി പിണറായി വിജയൻ ഉൾപ്പെടെയുള്ള നേതാക്കൾ ആശുപത്രിയിലെത്തി വിഎസിനെ സന്ദർശിച്ചിരുന്നു.
ഇന്ന് വൈകുന്നേരം ഭൗതികശരീരം ആശുപത്രിയിൽ നിന്നും എകെജി സെന്ററിലേക്ക് കൊണ്ടുപോകും. നാളെ ഒമ്പത് മണി മുതൽ ദർബാർ ഹാളിൽ പൊതുദർശനമുണ്ടാകും. നാളെ ഉച്ചയ്ക്ക് വിലാപ യാത്രയായാണ് ആലപ്പുഴയിലേക്ക് കൊണ്ടുപോവുക. ആലപ്പുഴ വലിയ ചുടുകാട്ടിൽ മറ്റന്നാളാണ് സംസ്കാരം നടക്കുകന്നത്.
