ഭൂട്ടാനിൽ നിന്നുള്ള ആഢംബര വാഹന കടത്തുമായി ബന്ധപ്പെട്ട് നടൻ ദുൽഖർ സൽമാന്റെ കൊച്ചിയിലെ വീട്ടിൽ കസ്റ്റംസ് റെയ്ഡ് നടത്തിയിരുന്നു. നംഖോർ എന്ന രഹസ്യനാമത്തിൽ രാജ്യവ്യാപകമായി ഓപ്പറേഷന്റെ ഭാഗമായണ് പരിശോധന. കേരളത്തിൽ 30 ഓളം ഇടങ്ങളിലാണ് റെയ്ഡ് നടക്കുന്നത്. ദുൽഖറിന്റെ പിതാവ് മമ്മൂട്ടിയുടെ ഗാരേജിലും പരിശോധന നടന്നു. ആഢംബര വാഹനങ്ങളോടുള്ള ഇരുവരുടെയും പ്രേമം പരസ്യമായ രഹസ്യമാണ്. ദുൽഖറിന്റെ ആഡംബര കാർ ശേഖരത്തിൽ എന്തൊക്കെയാണെന്ന് നോക്കാം…
ഫെരാരി 296 GTB
ദുൽഖറിന്റെ ഗാരേജിലെ ആദ്യത്തെ ഹൈബ്രിഡ് ഫെരാരിയാണ് റോസ്സോ റുബിനോ ഫെരാരി 296 GTB. ഏകദേശം 5.88 കോടി രൂപയാണ് ഇന്ത്യയിലെ വില. ഈ കാറുമായി ചെന്നൈയിൽ പലതവണ ദുൽഖർ പ്രത്യക്ഷപ്പെട്ടിട്ടുണ്ട്. അടുത്തിടെ ദുൽഖറിന്റെ ഇൻസ്റ്റാഗ്രാം പേജിൽ കാറിന്റെ ചിത്രം പങ്കുവച്ചിരുന്നു.
പോർഷെ 911 GT3 (991.2)
പോർഷെ 911 GT3 യോട് ദുൽഖറിന് പ്രത്യേക മമതയുണ്ട്. 2.2 കോടി മുതലാണ് വില. എന്റെ ഷെഡിലെ ഏറ്റവും ഷാർപ്പായ ഉപകരണം ആകർഷകമായ ഡ്രൈവിംഗ് അനുഭവം എന്നാണ് ഇൻസ്റ്റഗ്രാമിൽ കുറിച്ചത്.
മെഴ്‌സിഡസ്-ബെൻസ് SLS AMG
മെഴ്‌സിഡസ്-ബെൻസ് എട്ട് വർഷത്തിലേറെയായി ദുൽഖറിനൊപ്പമുണ്ട്. “ഭാവി ക്ലാസിക്” എന്നാണ് ദുൽഖർ ഇതിനെ വിശേഷിപ്പിക്കുന്നത്. ഈ ഇതിഹാസത്തിന്റെ സൂക്ഷിപ്പുകാരനാകുന്നത് ഒരു പദവിയാണെന്നും താരം പറഞ്ഞിരുന്നു. വില 2.54 കോടി രൂപയിൽ ആരംഭിക്കുന്നു.
ബിഎംഡബ്ല്യു എം3 ഇ46
ഏറ്റവും മികച്ച BMW ആയി വാഹനപ്രേമികൾ കണക്കുന്ന ബിഎംഡബ്ല്യു എം3 ഇ46 യും ദുൽഖറിന് സ്വന്തമായുണ്ട്. നിലവിൽ ഉൽപ്പാദനം ഇന്ത്യയിൽ അവസാനിപ്പിച്ചിരിക്കുകയാണ്. ഇന്ത്യയിൽ ഇതിന്റെ വില 78.74 ലക്ഷം മുതൽ 86.38 ലക്ഷം രൂപ വരെയായിരുന്നു.
ഇതിന് പുറമേ പോർഷെ പനാമേര, മെഴ്‌സിഡസ്-മേബാക്ക് GLS 600, മെഴ്‌സിഡസ്-ബെൻസ് S-ക്ലാസ്, മെഴ്‌സിഡസ്-AMG G63, മെഴ്‌സിഡസ്-AMG A45, ബിഎംഡബ്ല്യു 7 സീരീസ്, ലാൻഡ് റോവർ റേഞ്ച് റോവർ, ലാൻഡ് റോവർ ഡിഫൻഡർ, വിഡബ്ല്യു പോളോ GTI, മിനി കൂപ്പർ S, മാസ്ഡ MX-5, ടൊയോട്ട ഇന്നോവ ക്രിസ്റ്റ എന്നിവയും ദുൽഖറിനുണ്ടെന്ന് റിപ്പോർട്ടുണ്ട്.
