കൊച്ചി: ചരിത്രത്തിലെ ഏറ്റവും ഉയർന്ന നിരക്കിൽ സ്വർണവില. കഴിഞ്ഞ ദിവസം 89,480 ആയിരുന്നു ഒരു പവൻ സ്വർണത്തിന്റെ വില. ഇന്ന് ഒരു പവൻ സ്വർണത്തിന്റെ വില 840 രൂപ വർദ്ധിച്ച് 90,230 രൂപയായി.
ഒരു ഗ്രാം സ്വർണത്തിന് 105 രൂപയുടെ വർദ്ധനവാണ് രേഖപ്പെടുത്തുന്നത്. ഇതോടെ ഒരു ഗ്രാം സ്വർണത്തിന് ഇന്ന് 11,290 രൂപ നൽകണം. ഇന്നലെ 11,185 രൂപയായിരുന്നു ഒരു ഗ്രാമിന്റെ വില. കേരളത്തിൽ സ്വർണ വില ലക്ഷം രൂപയും മറികടക്കുമെന്നാണ് പ്രവചനം.
പണിക്കൂലി, ജിഎസ്ടി, ഹോൾ മാർക്കിങ് ഫീസ് എന്നിവ കൂടി ചേർത്ത് ഒരു പവന്റെ ആഭരണം വാങ്ങാൻ 1.10 ലക്ഷം നൽകേണ്ടിവരും. സെപ്റ്റംബർ 9 നാണ് സ്വർണവില എൺപതിനായിരം കടന്നത്. അന്താരാഷ്‌ട്രതലത്തിൽ ഉണ്ടാകുന്ന മാറ്റം ഇന്ത്യൻ വിപണിയിലും പ്രതിഫലിക്കുന്നതാണ് വർദ്ധനയ്‌ക്ക് കാരണം. സുരക്ഷിത നിക്ഷേപം എന്ന നിലയിൽ സ്വർണത്തിലേക്ക് കൂടുതൽ ആളുകൾ ഒഴുകിയെത്തുന്നതും സ്വർണവില ഉയരാൻ കാരണമാകുന്നുണ്ട്.
