എറണാകുളം: ഇടതുതീവ്ര ആശയങ്ങൾ പ്രചരിപ്പിച്ചതിന് ഇന്ദ്രൻസ് നായകനായ പ്രൈവറ്റ് എന്ന ചിത്രത്തിന് സെൻസർ ബോർഡിന്റെ വെട്ട്. ഇടതുതീവ്ര ആശയങ്ങൾ ഉൾപ്പെട്ട ഭാഗങ്ങൾ സെൻസർ ബോർഡ് കട്ട് ചെയ്തു. ഒമ്പത് മാറ്റങ്ങളോടെയാണ് ചിത്രം റിലീസ് ചെയ്തത്.
മീനാക്ഷി അനൂപും ഇന്ദ്രൻസും പ്രധാന വേഷത്തിലെത്തിയ ചിത്രമാണ് പ്രൈവറ്റ്. ഓഗസ്റ്റ് ഒന്നിന് റിലീസ് ചെയ്യേണ്ട ചിത്രം ഇടതുതീവ്ര ആശയങ്ങൾ പ്രചരിപ്പിക്കുന്നുവെന്ന ആരോപണത്തെ തുടർന്ന് മാറ്റിവച്ചത്. പിന്നീട് സെൻസർ ബോർഡ് സെൻസറിംഗ് നടത്തി നിരവധി രംഗങ്ങൾ കട്ട് ചെയ്തുമാറ്റാൻ നിർദേശിച്ചു.
നേരത്തെ ഷെയിൻ നിഗം നായകനായെത്തിയ ഹാലിന് 15 മാറ്റങ്ങൾ വരുത്താൻ സെൻസർ ബോർഡ് നിർദേശിച്ചിരുന്നു. ഇതിന് പിന്നാലെയാണ് നവാഗതനായ ദീപക് ഡിയോൺ സംവിധാനം ചെയ്ത പ്രൈവറ്റും തിരുത്തലുകളോടെ തിയേറ്ററിലെത്തിയത്.
