പാലക്കാട്: സംസ്ഥാനത്ത് പാലക്കാട്ടും അമീബിക് മസ്തിഷ്ക ജ്വരം സ്ഥിരീകരിച്ചു. പാലക്കാട് കൊടുമ്പില് സ്വദേശിയായ 62കാരനാണ് രോഗം സ്ഥിരീകരിച്ചത്. ആരോഗ്യ പ്രശ്നങ്ങളെ തുടര്ന്ന് ഒക്ടോബര് അഞ്ചാം തിയതി ഇയാളെ പ്രാഥമിക ആരോഗ്യ കേന്ദ്രത്തില് എത്തിക്കുകയായിരുന്നു. അവിടെ നിന്നും ഇയാളെ കമ്മ്യൂണിറ്റി സെന്റിലേക്കും പിന്നീട് ജില്ലാ ആശുപത്രിയിലേക്കും മാറ്റുകയായിരുന്നു.
ആറാം തിയതി നടത്തിയ പരിശോധനയുടെ ഫലം വന്നപ്പോഴാണ് ഇയാള്ക്ക് രോഗബാധയുടെ ലക്ഷണങ്ങളുള്ളതായി കണ്ടെത്തിയത്. പിന്നീട് സാമ്പിളുകള് പരിശോധനയ്ക്കയച്ചപ്പോളാണ് അമീബിക് മസ്തിഷ്ക ജ്വരം സ്ഥിരീകരിച്ചത്.
തൃശ്ശൂര് മെഡിക്കല് കോളേജില് അതീവ ഗുരുതരാവസ്ഥയില് തുടരുകയാണ് ഇദ്ദേഹം.
