കൊൽക്കത്ത: ബംഗാളിലെ ബർദ്വാൻ റെയിൽവേ സ്റ്റേഷനിൽ തിക്കിലും തിരക്കിലും പെട്ട് നിരവധി പേര്ക്ക് പരിക്ക്. ഞായറാഴ്ച്ച വൈകുന്നേരമുണ്ടായ അപകടത്തില് സ്ത്രീകളും പുരുഷന്മാരും ഉൾപ്പടെ 12 പേര്ക്ക് പരിക്കേറ്റതായി റെയില്വേ ഉദ്യോഗസ്ഥര് അറിയിച്ചു. പരിക്കേറ്റവരെ ബർദ്വാൻ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
മൂന്ന് ട്രെയിനുകൾ 4, 6, 7 പ്ലാറ്റ്ഫോമുകളിൽ ഒരേസമയം എത്തിയതോടെ അനിയന്ത്രിതമായി യാത്രക്കാര് പ്ലാറ്റ്ഫോമില് തടിച്ചുകൂടുകയായിരുന്നു. ട്രെയിനുകളില് കയറാനുള്ള തിരക്കിനിടയില് യാത്രക്കാർ 4, 6 പ്ലാറ്റ്ഫോമുകളെ ബന്ധിപ്പിക്കുന്ന ഫുട് ഓവർബ്രിഡ്ജിന്റെ പടികൾ കയറാനും ഇറങ്ങാനും തുടങ്ങി. ഇടുങ്ങിയ പടിക്കെട്ടില് ജനക്കൂട്ടം കുടുങ്ങുകയായിരുന്നു.
പരിക്കേറ്റവരെ ആശുപത്രിയിൽ പ്രവേശിപ്പിച്ചിട്ടുണ്ട്. പരിക്കേറ്റവരിൽ കുട്ടികളുമുണ്ടെന്നാണ് വിവരം. റെയിൽവേ പൊലീസ് അന്വേഷണം ആരംഭിച്ചു.
