കൊച്ചി: വൻവീഴ്ചകൾക്ക് ശേഷം തിരിച്ചുകയറ്റം ആരംഭിച്ച് സ്വർണവില. പവന് 560 രൂപയും ഗ്രാമിന് 70 രൂപയുമാണ് ഇന്ന് ഉയർന്നത്. ഇതോടെ, ഒരു പവൻ സ്വർണത്തിന് 89,160 രൂപയും ഒരു ഗ്രാമിന് 11,145 രൂപയുമായി. ലൈറ്റ് വെയിറ്റ് ആഭരണങ്ങൾ നിർമിക്കാൻ ഉപയോഗിക്കുന്ന 18 കാരറ്റ് സ്വർണത്തിന്റെ വില ഗ്രാമിന് 60 രൂപ വർധിച്ച് 9,170 രൂപയായി. 14 കാരറ്റ് സ്വർണം ഗ്രാമിന് 7,140 രൂപയാണ്. വെള്ളിവില 155 രൂപയിൽ തന്നെ തുടരുന്നു.
ഈമാസം സ്വർണവിലയിൽ അപ്രതീക്ഷിത കുതിപ്പ് ദൃശ്യമായിരുന്നു. ഒന്നാം തിയതി കേരളത്തിൽ സ്വർണവില പവന് 87,000 രൂപയായിരുന്നു. 17 എത്തിയപ്പോൾ ഇത് ഇത് 97,360 രൂപ വരെയായി ഉയർന്നു. പിന്നാലെ വില ഇടിയുന്ന കാഴ്ചയാണ് കണ്ടത്.
