ന്യൂഡൽഹി: രാഹുലിന്റെ “തിരഞ്ഞെടുപ്പ് തോൽവികൾ” കാണിക്കുന്ന ഭൂപടം സോഷ്യൽ മീഡിയയിൽ വൈറൽ. ബിഹാർ നിയമസഭാ തെരഞ്ഞെടുപ്പിൽ എൻഡിഎ നിർണായക വിജയത്തിലേക്ക് നീങ്ങുന്നതിനിടെയാണ് പരാജയ ഭൂപടം സോഷ്യൽ മീഡിയ കീഴടക്കുന്നത്. ബിജെപി ഐടി സെൽ മേധാവി അമിത് മാളവ്യയാണ് വ്യത്യസ്തമായ പോസ്റ്റ് പങ്കുവച്ചത്.
2004 മുതൽ 2025 വരെയുള്ള 20 വർഷക്കാലം രാഹുലിന്റെ നേതൃത്വത്തിൽ കോൺഗ്രസ് ഏറ്റുവാങ്ങിയ ദയനീയ പരാജയങ്ങളാണ് ഇതിലുള്ളത്. 95 തെരഞ്ഞെടുപ്പുകളിലാണ് കോൺഗ്രസ് തോറ്റുതുന്നം പാടിയത്. “രാഹുൽ ഗാന്ധി! മറ്റൊരു തിരഞ്ഞെടുപ്പ്, മറ്റൊരു പരാജയം! അടിക്കുറിപ്പോടെയാണ് പോസ്റ്റ്. തെരഞ്ഞെടുപ്പ് തോൽവിക്കുള്ള അവാർഡുകൾ ഉണ്ടായിരുന്നെങ്കിൽ, അദ്ദേഹം അതെല്ലാം തൂത്തുവാരുമായിരുന്നുവെന്ന് അമിത് മാളവ്യ പരിഹസിച്ചു.
Rahul Gandhi!
Another election, another defeat!
If there were awards for electoral consistency, he’d sweep them all.
At this rate, even setbacks must be wondering how he finds them so reliably. pic.twitter.com/y4rH6g62qG— Amit Malviya (@amitmalviya) November 14, 2025
രാഹുൽ പാർട്ടിയുടെ പ്രധാന മുഖമായതിന് ശേഷം കോൺഗ്രസ് പരാജയപ്പെട്ട 95 തെരഞ്ഞെടുപ്പുകളുടെ പട്ടികയും അദ്ദേഹം പങ്കുവെച്ചു. ഹിമാചൽ പ്രദേശ് (2007, 2017), പഞ്ചാബ് (2007, 2012, 2022), ഗുജറാത്ത് (2007, 2012, 2017, 2022),മധ്യപ്രദേശ് (2008, 2013, 2018, 2023), മഹാരാഷ്ട്ര (2014, 2019, 2024) വരെയുള്ള എല്ലാ പ്രധാന സംസ്ഥാനങ്ങളും പട്ടികയിൽ ഉൾപ്പെടുന്നു. വടക്കുകിഴക്കൻ- ദക്ഷിണേന്ത്യൻ സംസ്ഥാനങ്ങളിൽ രാഹുൽ നേടികൊടുത്ത തോൽവികളും ഇതിലുണ്ട്.
