മലപ്പുറം: ഹിന്ദു വിദ്യാർത്ഥി മുഹമ്മദ് നബിയെ പുകഴ്ത്തുന്ന വീഡിയോ പ്രചരിപ്പിച്ച് മലപ്പുറത്തെ അൽ-ഫലാഹ് സ്കൂൾ. മുഹമ്മദിന്റെ പാത പിന്തുടരാൻ ഹിന്ദു വിദ്യാർത്ഥി ആഹ്വാനം ചെയ്യുന്ന ദൃശ്യങ്ങളാണ് പുറത്ത് വന്നിരിക്കുന്നത്. മലപ്പുറം കക്കിടിപ്പുറം അൽ ഫലാഹ് എഎംഎം ഇംഗ്ലീഷ് സ്കൂളിലാണ് സംഭവം. മതപരിവർത്തനത്തിനുള്ള ശ്രമമാണോ എന്നാണ് സംശയിക്കുന്നത്.
കഴിഞ്ഞ നബി ദിനാഘോഷ ചടങ്ങിലാണ് സംഭവം. വിവിധ വിഭാഗത്തിൽപ്പെട്ട കുട്ടികൾ ഇവിടെ പഠിക്കുന്നുണ്ട്. സ്കൂൾ അധികൃതരുടെ നിർദ്ദേശപ്രകാരമാണ് ഹിന്ദു വിദ്യാർത്ഥി നബിയെ പുകഴ്ത്തുന്ന പ്രസംഗം അവതരിപ്പിച്ചതെന്നാണ് സൂചന. നബിയെ പിന്തുടരാൻ ആഹ്വാനം ചെയ്യുന്ന ദൃശ്യങ്ങൾ അൽ ഫലാഹ് സ്കൂളിന്റെ ഔദ്യോഗിക വെബ്സൈറ്റിലും സോഷ്യൽ മീഡിയ പേജിലും പങ്കുവച്ചിട്ടുണ്ട്. സ്കൂളിൽ തന്നെ സമസ്തയ്ക്ക് കീഴിൽ മതപഠനവും നടക്കുന്നുണ്ട്. ഖുറാൻ, ഹദീസ് എന്നിവയിൽ പ്രത്യേക ക്ലാസുകളുമുണ്ട്.
കഴിഞ്ഞ ദിവസം ഡൽഹി ഭീകരാക്രമണവുമായി ബന്ധമുള്ള അൽഫലാഹ് ട്രസ്റ്റുമായി ബന്ധപ്പെട്ട് രാജ്യമൊട്ടാകെ പരിശോധന നടത്തിയിരുന്നു. കേരളത്തിൽ തിരുവനന്തപുരം, പാലക്കാട്, മലപ്പുറം ജില്ലകളിൽ ഇതേ പേരിൽ ട്രസ്റ്റ് പ്രവർത്തിക്കുന്നുണ്ട്. കേന്ദ്ര- സംസ്ഥാന ഏജൻസികൾ ഈ ട്രസ്റ്റുകളെ കുറിച്ച് വിവരശേഖരണം തുടങ്ങിയിട്ടുണ്ട്.
