കണ്ണൂർ: മുസ്ലീം ലീഗ് നേതാവ് ബിജെപിയിൽ ചേർന്നു. പാനൂർ മുൻസിപ്പൽ കമ്മിറ്റിയംഗം ഉമ്മർ ഫറൂഖ് കീഴ്പ്പാറയാണ് ബിജെപിയിൽ ചേർന്നത്. ദേശീയതയിൽ ആകൃഷ്ടനായാണ് പാർട്ടിയിൽ ചേർന്നതെന്ന് ഉമ്മർ പ്രതികരിച്ചു.
കൂടുതൽ പേർ ബിജെപിയിലേക്ക് വരണം. 40 വർഷക്കാലം മുസ്ലീം ലീഗിന്റെ പ്രവർത്തകനായിരുന്നു. നിലവിൽ മുസ്ലീം ലീഗിന്റെ പ്രാദേശിക തലത്തിലുള്ള പാർട്ടി എന്നല്ലാതെ ദേശീയ തലത്തിലേക്ക് ഉയരാൻ പാർട്ടിക്ക് സാധിച്ചിട്ടില്ല. ന്യൂനപക്ഷങ്ങൾക്ക് സംരക്ഷണം ഒരുക്കാനും കഴിഞ്ഞിട്ടില്ലെന്നും ഉമ്മർ പ്രതികരിച്ചു.
അതേസമയം, യൂത്ത് കോൺഗ്രസ് സംസ്ഥാന സെക്രട്ടറി അഖിൽ ഓമനക്കുടനും ബിജെപിയിൽ ചേർന്നു. പത്തനംതിട്ട ജില്ലാ പ്രസിഡന്റ് അഖിലിന് പാർട്ടി അംഗത്വം നൽകി സ്വീകരിച്ചു.
