തിരുവനന്തപുരം : പെൺ വേട്ടയിൽ കുടുങ്ങിയ പാലക്കാട് എം എൽ എ രാഹുൽ മാങ്കൂട്ടത്തിലിനെ ന്യായീകരിച്ച് കോൺഗ്രസ് നേതാക്കൾ.
അടൂർ പ്രകാശും ഷാഫി പറമ്പിലുമാണ് രാഹുൽ മാങ്കൂട്ടത്തിലിന് വേണ്ടി രംഗത്തിറങ്ങിയത്.
“തിരഞ്ഞെടുപ്പുകൾ അടുക്കുമ്പോൾ പല കള്ളക്കേസുകളും ഉണ്ടാക്കിയെടുക്കുന്നു. പരാതിയുണ്ടെങ്കിൽ അന്വേഷണം നടക്കട്ടെ.കള്ളക്കേസ് ആണോ എന്ന് തെളിയിക്കേണ്ട ഉത്തരവാദിത്വം സർക്കാരിന്. കേസ് തെളിഞ്ഞാൽ കൂടിയാലോചിച്ച് തീരുമാനമെടുക്കും”. അടൂർ പ്രകാശ് പറയുന്നു.
നിയമപരമായി കാര്യങ്ങൾ നടക്കട്ടെ എന്നാണ് ഷാഫി പറമ്പിൽ പറയുന്നത്. നിയമപരമായ നടപടിക്രമങ്ങൾക്ക് തടസ്സം നിൽക്കില്ലെന്നും വടകര എംപി പറഞ്ഞു. കൂടുതൽ പ്രതികരണങ്ങൾ പാർട്ടിയുമായി ആലോചിച്ചശേഷമി ഉള്ളൂ എന്നും ഷാഫി പറമ്പിൽ പറഞ്ഞു.
എംഎൽഎ സ്ഥാനം രാജിവെക്കുമോ എന്ന ചോദ്യത്തിന് കാര്യങ്ങൾ നിയമപരമായി നടക്കട്ടെ എന്നായിരുന്നു മറുപടി.
