എറണാകുളം: നടിയെ ആക്രമിച്ച കേസിൽ പൊലീസ് തനിക്കെതിരെ കള്ളക്കഥ മെനഞ്ഞെന്ന് ദിലീപ്. സർവശക്തനായ ദൈവത്തിന് നന്ദിയെന്നും എന്നെ പ്രതിയാക്കാൻ വേണ്ടിയായിരുന്നു യഥാർത്ഥ ഗൂഢാലോചന നടന്നതെന്നും കോടതിവിധിക്ക് പിന്നാലെ ദിലീപ് മാദ്ധ്യമങ്ങളോട് പ്രതികരിച്ചു.
ഗുഢാലോചനയാണെന്ന് മഞ്ജു പറഞ്ഞിടത്ത് നിന്നാണ് എനിക്കെതിരെ പൊലീസ് കള്ളക്കഥ മെനഞ്ഞത്. അന്നത്തെ മേലുദ്യോഗസ്ഥരും ഒരു സംഘം ക്രിമിനൽ പൊലീസുകാരുമാണ് കേസുണ്ടാക്കിയത്. അതിനായി കേസിലെ മുഖ്യ പ്രതിയെയും കൂട്ടുപിടിച്ചു. ചില മാദ്ധ്യമങ്ങളെയും ഒത്താശ ചെയ്യുന്ന മാദ്ധ്യമപ്രവർത്തകരെയും അവർ കൂട്ടുപിടിച്ച് സമൂഹമാദ്ധ്യമങ്ങളിലൂടെ പ്രചരിപ്പിച്ചു.
എന്റെ കരിയറും ജീവിതവും നശിപ്പിക്കാൻ ശ്രമിച്ചു. സമൂഹത്തിൽ എന്റെ ഇമേജ് നശിപ്പിക്കാൻ വേണ്ടി ചെയ്തതാണ്. കള്ളക്കഥ കോടതിയിൽ തകർന്നു. സത്യം ജയിച്ചെന്നും ദിലീപ് പറഞ്ഞു.
