കൊച്ചി: ബലാൽ സംഗ ക്കേസ് പ്രതി രാഹുല് മാങ്കൂട്ടത്തില് എംഎല്എയുടെ മുന്കൂര് ജാമ്യം റദ്ദാക്കണമെന്ന് സര്ക്കാര് ഹൈക്കോടതിയില്. രാഹുലിനെതിരായ ബലാത്സംഗക്കേസിൽ തിരുവനന്തപുരം അഡീഷണല് പ്രിന്സിപ്പല് സെഷന്സ് കോടതി മുൻകൂർ ജാമ്യ വിധിക്കെതിരെയാണ് സര്ക്കാര് ഹൈക്കോടതിയില് അപ്പീല് നല്കിയിരിക്കുന്നത്. വസ്തുതകള് പരിഗണിക്കാതെയാണ് തിരുവനന്തപുരം അഡീഷണല് പ്രിന്സിപ്പല് സെഷന്സ്കോടതിയുടെ ഉത്തരവെന്ന് ഹര്ജിയില് പ്രോസിക്യൂഷന് ആരോപിക്കുന്നു
രാഹുല് മാങ്കൂട്ടത്തിലിന്റെ മുന്കൂര് ജാമ്യം റദ്ദാക്കണം, രാഹുലിനെ കസ്റ്റഡിയിലെടുത്ത് ചോദ്യം ചെയ്യണം എന്നതാണ് പ്രോസിക്യൂഷന് പ്രധാനമായും അപ്പീലില് ഉന്നയിക്കുന്നത്. രാഹുല് മാങ്കൂട്ടത്തിലിനെതിരായ ആദ്യ പരാതി ഹൈക്കോടതി പരിഗണനയിലാണ്. പ്രതി സമാനകുറ്റകൃത്യങ്ങളില് ഏര്പ്പെടുന്നു എന്ന സാഹചര്യത്തില് അയാളെ കസ്റ്റഡിയിലെടുത്ത് ചോദ്യം ചെയ്യേണ്ടതുണ്ടെന്നും അപ്പീലില് പറയുന്നു.
രണ്ടാമത്തെ ബലാത്സംഗ കേസിൽ രാഹുൽ മാങ്കൂട്ടത്തിലിന് കഴിഞ്ഞ ദിവസം ഉപാധികളോടെ മുന്കൂര് ജാമ്യം അനുവദിച്ചിരുന്നു. എല്ലാ തിങ്കളാഴ്ചയും അന്വേഷണ ഉദ്യോഗസ്ഥര്ക്ക് മുന്നില് ഹാജരാകണണെന്ന നിര്ദേശമുണ്ടായിരുന്നു.
