കൊച്ചി: സംസ്ഥാനത്ത് സ്വർണവില റെക്കോർഡ് ഭേദിച്ച് കുതിച്ചുകയറി. ഗ്രാമിന് 12,210 രൂപയാണ് ഇന്നത്തെ വില. പവന് 97,680 രൂപയിലെത്തി. ഇന്ന് രണ്ട് തവണയായി പവന് 1,800 രൂപയാണ് കൂടിയത്.
ഏതാനും ദിവസങ്ങളായി സ്വർണവിലയിൽ തുടർച്ചയായി ഇടിവ് രേഖപ്പെടുത്തിയിരുന്നു. അന്താരാഷ്ട്ര വിപണിയിലുണ്ടായ സമ്മർദ്ദമാണ് വില വർധനവിന് കാരണമായത്. കേരളത്തിൽ ഒക്ടോബർ 17ന് കുറിച്ച റെക്കോഡ് റേറ്റായ 97,360 രൂപയാണ് ഇന്ന് ഭേദിച്ചത്. ഇതോടെ ഒരു പവൻ സ്വർണാഭരണം വാങ്ങണമെങ്കിൽ പണിക്കൂലി സഹിതം കുറഞ്ഞത് 1,00,664 രൂപയെങ്കിലും നൽകേണ്ടതായി വരും.
18 കാരറ്റ് സ്വർണവിലയും റെക്കോഡ് നിലവാരത്തിലാണ്. ഗ്രാമിന് 10,040 രൂപയും പവൻ വില 80,320 രൂപയുമാണ്. 14 കാരറ്റിന് ഗ്രാമിന് 30 രൂപ വർധിച്ച് 7,820 രൂപയും ഒമ്പത് കാരറ്റിന് ഗ്രാമിന് 20 രൂപ വർധിച്ച് 5,045 രൂപയുമാണ്.
