തിരുവനന്തപുരം: ദേശീയ വനിതാ കമ്മീഷൻ അദാലത്ത് ഡിസംബർ 19ന് ഉച്ചയ്ക്ക് ഒരു മണി മുതൽ തൈക്കാട് പൊലീസ് ട്രെയിനിംഗ് കോളേജിലെ മൈൻഡ് ഓഡിറ്റോറിയത്തിൽ നടക്കും. കമ്മീഷൻ അംഗം ദലീന ഘോങ്ങ്ദൂപ് അധ്യക്ഷത വഹിക്കും.
സ്ത്രീകൾക്കെതിരെയുള്ള അതിക്രമങ്ങൾ സംബന്ധിച്ച് 2023 മുതൽ 2025 വരെയുള്ള കാലയളവിൽ തിരുവനന്തപുരം സിറ്റി, തിരുവനന്തപുരം റൂറൽ, കൊല്ലം സിറ്റി, കൊല്ലം റൂറൽ, പത്തനംതിട്ട, കൊച്ചി സിറ്റി, കണ്ണൂർ സിറ്റി, കാസർഗോഡ് എന്നീ ജില്ലകളിൽ നിന്നായി ദേശീയ വനിതാ കമ്മീഷന് ലഭ്യമായിട്ടുള്ള പരാതികളാണ് പരിഗണിക്കുന്നത്.
സമൂഹത്തിന്റെ വിവിധ മേഖലകളിൽ പ്രവർത്തിക്കുന്ന വനിതകൾക്ക് അദാലത്തിൽ പങ്കെടുത്ത് പരാതികൾ കമ്മീഷന് മുമ്പാകെ സമർപ്പിക്കാം.
