പാലക്കാട്: വാളയാറിലെ ആള്കൂട്ടക്കൊലപാതകത്തിന്റെ അന്വേഷണം ജില്ലാ ക്രൈംബ്രാഞ്ച് ഏറ്റെടുത്തു. ക്രൈംബ്രാഞ്ച് ഡിവൈഎസ്പി ഗോപകുമാറിന്റെ നേതൃത്വത്തിലുള്ള പ്രത്യേക സംഘം ആണ് അന്വേഷിക്കുക. കേസില് ഇതുവരെ അഞ്ചുപേരാണ് അറസ്റ്റിലായിട്ടുമുണ്ട്.
ഡിസംബര് 18-നാണ് ഛത്തീസ്ഗഢ് സ്വദേശി രാം നാരായണ ഭയ്യാറിനെ മോഷ്ടാവെന്ന് ആരോപിച്ച് ഒരുസംഘം മര്ദ്ദിച്ചത്. എന്നാല് കയ്യില് മോഷണവസ്തുക്കളൊന്നും ഉണ്ടായിരുന്നില്ല. വാളയാര് അട്ടപ്പള്ളത്തുവെച്ച് വൈകിട്ട് ആറോടെയാണ് രാമിന് മര്ദ്ദനമേല്ക്കേണ്ടിവന്നത്. അവശനിലയില് രാം നാരായണനെ പാലക്കാട് ജില്ലാ ആശുപത്രിയില് പ്രവേശിപ്പിച്ചെങ്കിലും മരിച്ചു.
രാമിന് ക്രൂരമര്ദ്ദനമേല്ക്കേണ്ടിവന്നുവെന്നാണ് പോസ്റ്റ്മോര്ട്ടം റിപ്പോര്ട്ട് പറയുന്നത്. രാം നാരായണന്റെ തലയിലും ശരീരത്തിലും ഏറ്റ പരിക്കാണ് മരണകാരണമെന്നും റിപ്പോര്ട്ടിലുണ്ട്.
