തിരുവനന്തപുരം: സ്വർണവില സർവ്വകാല റെക്കോർഡിൽ. പ്രതീക്ഷിച്ചത് പോലെ സ്വർണവില ലക്ഷം കടന്നു. ഇന്ന് സംസ്ഥാനത്ത് 1,01,600 രൂപയാണ് ഒരു പവൻ സ്വർണത്തിന്റെ വില. പവന് 1760 രൂപയാണ് ഒറ്റയടിക്ക് കൂടിയത്. ഗ്രാമിന് 220 രൂപ വര്ധിച്ച് 12,700 രൂപയായി.
കൊവിഡിന്റെ സമയത്ത് സ്വര്ണത്തിന് 40, 000 രൂപയായിരുന്നു. അത് 2023 ഡിസംബറിൽ എത്തിയപ്പോൾ 47,000 ആയി. കഴിഞ്ഞ സെപ്റ്റംബർ 9 നാണ് സ്വർണവില എൺപതിനായിരം കടന്നത്.
കഴിഞ്ഞ കുറച്ച് നാളുകളായി സ്വര്ണ വില കുതിച്ചു കൊണ്ടിരിക്കുകയാണ്. . അമേരിക്കൻ ഫെഡറൽ റിസർവ് പലിശ നിരക്കുകളിൽ വരുത്തിയ കുറവും യുഎസ് ഡോളറിന്റെ മൂല്യത്തിലുണ്ടായ ഇടിവുമാണ് സ്വർണവിലയെ റെക്കോർഡ് ഉയരത്തിലെത്തിച്ചത്. കൂടാതെ യുഎസ് താരിഫുകൾ, ഡോളർ മൂല്യം, വ്യാപാര അനിശ്ചിതത്വങ്ങൾ, യുദ്ധങ്ങൾ എന്നിവയും വിലയെ സ്വാധീനിച്ചു.
