പാലക്കാട്: അബദ്ധത്തിൽ ആസിഡ് അകത്ത് ചെന്ന് ചികിത്സയിലായിരുന്ന ആൾ മരിച്ചു. ഒറ്റപ്പാലം അമ്പലപ്പാറ സ്വദേശി വേങ്ങശ്ശേരി താനിക്കോട്ടിൽ രാധാകൃഷ്ണനാണ് മരിച്ചത്. തൃശൂർ മെഡിക്കൽ കോളേജിൽ ചികിത്സയിലിരിക്കെയാണ് മരണം സംഭവിച്ചത്.
കഴിഞ്ഞ മാസം അഞ്ചാം തീയതിയായിരുന്നു സംഭവം. ഇലക്ട്രോണിക് ഉപകരണങ്ങൾ റിപ്പയർ ചെയ്യുന്ന കട നടത്തുകയാണ് രാധാകൃഷ്ണൻ. സെവനപ്പ്കുപ്പിയിലുണ്ടായിരുന്ന ആസിഡ് വെള്ളമാണെന്ന് കരുതി കുടിക്കുകയായിരുന്നു. ജോലിയുടെ ആവശ്യത്തിനായാണ് ആസിഡ് സൂക്ഷിച്ചിരുന്നത്.
സംഭവത്തിന് പിന്നാലെ ഒറ്റപ്പാലത്തെ ആശുപത്രിയിലും അവിടെ നിന്നും പെരിന്തൽമണ്ണയിലെയും സ്വകാര്യ ആശുപത്രിയിലും പ്രവേശിപ്പിച്ചു. പിന്നീട് ആരോഗ്യനില വഷളായതിനെ തുടർന്ന് തൃശൂർ മെഡിക്കൽ കോളേജിലേക്ക് മാ‍റ്റുകയായിരുന്നു.
