തിരുവനന്തപുരം: സംസ്ഥാനത്ത് സ്വർണവില ഇന്നും വർദ്ധിച്ചു. ഗ്രാമിന് 70 രൂപ കൂടി 12,835 രൂപയും പവന് 560 രൂപ കൂടി 102,680 രൂപയുമായി. ഓരോ ദിവസും സ്വർണവില റെക്കോർഡുകൾ ഭേദിച്ച് മുന്നോട്ട് കുതിക്കുകയാണ്. തുടർച്ചയായി ആറാം ദിവസമാണ് വില ഉയരുന്നത്.
ഡിസംബർ 23നാണ് പവൻ വില ഒരു ലക്ഷം കടന്നത്. ഡിസംബർ ഒന്നിനായിരുന്നു ഈ മാസത്തെ ഏറ്റവും കുറഞ്ഞ നിരക്ക്. അന്ന് പവന് 94,920 രൂപയും ഗ്രാമിന് 11,865 രൂപയുമായിരുന്നു. ഡിസംബറിൽ മാത്രം പവൻ 7,000 രൂപയുടെ വർദ്ധനവാണുണ്ടായത്. ഇന്നത്തെ വിലയിൽ ഏറ്റവും കുറഞ്ഞ അഞ്ച് ശതമാനം പണിക്കൂലിയിൽ ആഭരണം സ്വന്തമാക്കാൻ 1,11,204 രൂപയാകും.
യുഎസ് ഡോളറിന്റെ മൂല്യത്തിലെ മാറ്റങ്ങളും ആഗോള വിപണിയിലെ അസ്ഥിരതയുമാണ് നമ്മുടെ രാജ്യത്തെ സ്വർണ്ണ വിലയെയും ബാധിക്കുന്നത് . സ്വർണത്തെ സുരക്ഷിത നിക്ഷേപമായാണ് നിക്ഷേപകർ കാണുന്നത്. ഗോൾഡ്മാൻ സാച്ചിന്റെ റിപ്പോർട്ട് അനുസരിച്ച്, ആഗോള നിക്ഷേപകരിൽ 70 ശതമാനം പേരും അടുത്ത വർഷം സ്വർണ വില ഇനിയും ഉയരുമെന്നാണ് പ്രതീക്ഷിക്കുന്നത്.
