കൊച്ചി: പുതുവർഷപ്പിറവി ദിനത്തിൽ സ്വർണവിലയിൽ കുതിപ്പ്. പവന് 120 രൂപ വർദ്ധിച്ച് 99,040 രൂപയായി. ഗ്രാമിന് 15 രൂപ കൂടി 12,380 രൂപയിലെത്തി ലൈറ്റ് വെയ്റ്റ് ആഭരണങ്ങൾ നിർമിക്കാൻ ഉപയോഗിക്കുന്ന 18 കാരറ്റിന് 15 രൂപ ഉയർന്ന് 10,180 രൂപയിലെത്തി.
ഡിസംബർ 12 ഓടെയാണ് പവന് 98,000 കടന്നത്. ഡിസംബർ 23ന് പവൻ വില ഒരു ലക്ഷം കടന്നിരുന്നു. ഡിസംബർ ഒന്നിനായിരുന്നു ഈ മാസത്തെ ഏറ്റവും കുറഞ്ഞ നിരക്ക്. അന്ന് പവന് 94,920 രൂപയും ഗ്രാമിന് 11,865 രൂപയുമായിരുന്നു.
യുഎസ് ഡോളറിന്റെ മൂല്യത്തിലെ മാറ്റങ്ങളും ആഗോള വിപണിയിലെ അസ്ഥിരതയുമാണ് നമ്മുടെ രാജ്യത്തെ സ്വർണ്ണ വിലയെയും ബാധിക്കുന്നത്. സ്വർണത്തെ സുരക്ഷിത നിക്ഷേപമായാണ് നിക്ഷേപകർ കാണുന്നത്. ഗോൾഡ്മാൻ സാച്ചിന്റെ റിപ്പോർട്ട് അനുസരിച്ച്, ആഗോള നിക്ഷേപകരിൽ 70 ശതമാനം പേരും ഇനിയും വില ഉയരുമെന്നാണ് പ്രതീക്ഷിക്കുന്നത്.
