പത്തനംതിട്ട: ശബരിമല മകരവിളക്ക് മഹോത്സവം പ്രമാണിച്ച് ജനുവരി 14 ( ബുധനാഴ്ച) പത്തനംതിട്ട ജില്ലയിൽ പ്രാദേശിക അവധി പ്രഖ്യാപിച്ചു. ജില്ലാ കളക്ടറാണ് അവധി പ്രഖ്യാപിച്ചത്.
അന്നേദിവസം ഉച്ചകഴിഞ്ഞ് 2.45ന് നടതുറന്ന് മൂന്നിന് സംക്രമപൂജ ആരംഭിക്കും. തന്ത്രി കണ്ഠര് മഹേഷ് മോഹനര്, മേല്ശാന്തി ഇ.ഡി. പ്രസാദ് നമ്പൂതിരി എന്നിവരുടെ മുഖ്യകാര്മികത്വത്തിലാണ് മകരസംക്രമപൂജ നടക്കുക. പന്തളം കൊട്ടാരത്തില്നിന്ന് കൊണ്ടുവരുന്ന തിരുവാഭരണം ചാര്ത്തി വൈകിട്ട് 6.40ന് ദീപാരാധന നടക്കും. ഈ സമയം പൊന്നമ്പലമേട്ടില് മകരജ്യോതി തെളിയും.
മകരവിളക്കിനോടനുബന്ധിച്ച് ശബരിമലയില് സുരക്ഷ വര്ധിപ്പിച്ചിട്ടുണ്ട്.സന്നിധാനത്ത് മാത്രം മകരവിളക്ക് ദര്ശിക്കാന് കഴിയുന്ന 15 വ്യൂപോയിന്റുകളാണുള്ളത്. ഇവിടെ പ്രത്യേക സുരക്ഷ ഒരുക്കാനുള്ള നടപടികള് തുടങ്ങി. വിവിധ വകുപ്പുകളുടെ ക്രമീകരണങ്ങളും അവസാനഘട്ടത്തിലാണ്.
