തിരുവനന്തപുരം: കേന്ദ്ര സർക്കാരിനെ പ്രകീർത്തിച്ച് വീണ്ടും ശശി തരൂർ എം പി. രാജ്യത്ത് നിന്ന് മാവോയിസ്റ്റ് ഭീകരത തുടച്ചുനീക്കാനുള്ള നരേന്ദ്ര മോദി സർക്കാരിന്റെ ദൗത്യത്തെ പ്രശംസിച്ചുകൊണ്ട് ശശി തരൂർ രംഗത്തെത്തിയത്. പ്രോജക്ട് സിൻഡിക്കേറ്റിൽ എഴുതിയ ലേഖനത്തിലാണ് തരൂരിന്റെ പ്രശംസ. മോദി സർക്കാരിൻ്റേത് സുരക്ഷയും വികസനവും സമന്വയിപ്പിച്ചുള്ള നടപടിയാണെന്ന് ലേഖനത്തിൽ തരൂർ ചൂണ്ടിക്കാട്ടി.
2013-ൽ ഇന്ത്യയിലെ 126 ജില്ലകളിൽ മാവോയിസ്ററുകളുടെ ശക്തമായ സാന്നിധ്യമുണ്ടായിരുന്നു. ഇന്ന് രാജ്യത്ത് മാവോയിസം അന്ത്യലേക്ക് അടുക്കുകയാണ്. മേഖലയിൽ പോലീസിന്റെ കാര്യക്ഷമത വർദ്ധിപ്പിക്കുന്നതിന് സർക്കാർ വലിയ ശ്രമങ്ങൾ നടത്തിയിട്ടുണ്ട്. ആധുനിക ആയുധങ്ങൾ, മികച്ച ആശയവിനിമയ സൗകര്യങ്ങൾ, വനാന്തരങ്ങളിലെ യുദ്ധത്തിനും നക്സൽ വിരുദ്ധ പോരാട്ടത്തിനും പ്രത്യേക പരിശീലനം എന്നിവ സേനയ്ക്ക് നൽകി. യുപിഎ സർക്കാർക്കാരിന്റെ ആശയം മോദി നടപ്പാക്കി. സർക്കാരിന്റെ ഇരുമ്പ് മുഷ്ടി പ്രയോഗത്തിനൊപ്പം വികസനത്തിന്റെ സാന്ത്വനസ്പർശം കൂടിയായപ്പോൾ ദൗത്യം വിജയിച്ചെന്നും തുടരണമെന്നും, തരൂർ ലേഖനത്തിൽ പറഞ്ഞു.
1960 കളിൽ പശ്ചിമ ബംഗാളിലെ നക്സൽബാരി ഗ്രാമത്തിൽ ഉത്ഭവിച്ച കമ്യൂണിസ്റ്റ് ഭീകര 2026 മാർച്ചോടെ പൂർണ്ണമായും ഇല്ലാതാക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ പ്രഖ്യാപിച്ചിരുന്നു.
