തിരുവനന്തപുരം : ആലപ്പുഴ വണ്ടാനം മെഡിക്കല് കോളജില് ശസ്ത്രക്രിയക്ക് ഉപയോഗിക്കുന്ന കത്രിക രോഗിയുടെ വയറ്റില് കുടുങ്ങിയ സംഭവത്തില് വിട്ടമ്മയായ ഉഷ ജോസഫിനെ ചികിൽസിച്ച ഡോ. ലളിതാംബികക്കെതിരെ കേസ് എടുത്തു.ജീവന് ഭീഷണിയാകുന്ന വിധത്തിൽ അശ്രദ്ധമായി പ്രവർത്തിച്ചു എന്നാണ് കേസ്. BNS 125, 125 A വകുപ്പുകളാണ് ചുമത്തിയിരിക്കുന്നത്
ജാമ്യം കിട്ടുന്ന വകുപ്പുകളാണ് ചുമത്തിയത്. മൂന്നുമാസം മുതൽ മൂന്നുവർഷം തടവും 2500 രൂപ മുതൽ 10,000 രൂപ വരെ പിഴയും ശിക്ഷിക്കാവുന്ന വകുപ്പുകൾ ആണ് ചുമത്തിയത്. ഉഷ ജോസഫിന്റെ ബന്ധു മാർഗരറ്റ് നൽകിയ പരാതിയിലാണ് അമ്പലപ്പുഴ പൊലീസ് കേസെടുത്തത്.
ഓപ്പറേഷൻ നടത്തിയപ്പോൾ യൂണിറ്റ് ചീഫ് ആയിരുന്ന ഡോ. ലളിതാംബിക ഇപ്പോൾ വിരമിച്ചു
നേരത്തെ ഈ വിഷയത്തിൽ മനുഷ്യാവകാശ കമ്മീഷന് സ്വമേധയാ കേസെടുത്തിരുന്നു. മെഡിക്കല് വിദ്യാഭ്യാസ ഡയറക്ടറും ആശുപത്രി സൂപ്രണ്ടും രണ്ടാഴ്ചക്കകം റിപോര്ട്ട് സമര്പ്പിക്കണമെന്ന് കമ്മീഷന് അംഗം വി ഗീത നിര്ദേശിച്ചു.
