തിരുവനന്തപുരം: കേരള കാർഷിക സർവകലാശാലയുടെ കീഴിലുള്ള വെള്ളായണി കാർഷിക കോളേജിലെ അവസാന വർഷ ബിരുദ വിദ്യാർത്ഥികളുടെ ഗ്രാമീണ അവബോധ പ്രവർത്തി പരിചയ പരിപാടി ‘സ്വസ്തി 2026 അഗ്രോക്ലിനിക്’ വിവിധ സ്ഥലങ്ങളിൽ നടക്കും. 24/2/2026 ചൊവ്വാഴ്ച വേങ്ങവിള എൻ. എസ്. എസ് കരയോഗം, ആനാട് ഗ്രാമപഞ്ചായത്ത് ഹാളിലും, 25/02/2026 മലയിൻകീഴും , 26/02/2026 വിളപ്പിലുമാണ് അഗ്രോ ക്ലിനിക്ക് നടക്കുക.
കർഷകർക്ക് ഉപകാരപ്രദമായ നൂതന കൃഷിരീതികളുടെ പരിശീലനങ്ങൾ, പ്രദർശനം, വിത്ത്, നടീൽ വസ്തുക്കൾ, ജൈവരോഗകീട നിയന്ത്രണ വസ്തുക്കളുടെ വിൽപന എന്നിവ നടത്തുന്നതാണ്. കൃഷിയിൽ ഉണ്ടാകുന്ന രോഗങ്ങൾ, കീട പ്രശ്നങ്ങൾ, പോഷക ന്യൂനത, മറ്റ് കൃഷി സംബന്ധമായ സംശയങ്ങൾ എന്നിവയ്ക്ക് പരിഹാരനിർദ്ദേശങ്ങൾ നൽകുന്നതാണ്. കൂടാതെ മണ്ണ് പരിശോധന സൗകര്യവും ഉണ്ടായിരിക്കുന്നതാണ്. രാവിലെ 10 മണി മുതൽ തുടങ്ങുന്ന ഈ പരിപാടിയിൽ കർഷകർക്ക് മേൽ പറഞ്ഞ സേവനങ്ങൾ
പ്രയോജനപ്പെടുത്താം.
