കൊച്ചി: നേമം സഹകരണ ബാങ്ക് തട്ടിപ്പിൽ പിടിമുറുക്കി എൻഫോഴ്സ്മെൻറ് ഡയറക്ടറേറ്റ്. മുൻ ബാങ്ക് പ്രസിഡന്റ് ആർ പ്രദീപ്കുമാറിനെ ഇഡി ചോദ്യം ചെയ്യുന്നു. കൊച്ചി ഇ ഡി ഓഫീസിലാണ് ചോദ്യം ചെയ്യൽ പുരോഗമിക്കുന്നത്. സിപിഎം മുൻ ഏരിയ കമ്മിറ്റി അംഗമായിരുന്ന പ്രദീപ് കുമാർ പതിനഞ്ച് വർഷം ബാങ്ക് പ്രസിഡന്റായിരുന്നു. കേസിൽ മുൻ ഭരണസമിതി അംഗങ്ങളെയും ഇഡി ഉടൻ ചോദ്യം ചെയ്യും.
സിപിഎം ഭരണസമിതി നൂറ് കോടിയോളം രൂപയുടെ തട്ടിപ്പാണ് ബാങ്കിൽ നടത്തിയത്. കഴിഞ്ഞ വർഷം നവംബറിൽ ഇഡി ബാങ്കിൽ റെയ്ഡ് നടത്തിയിരുന്നു. സഹകരണവകുപ്പ് നടത്തിയ അന്വേഷണത്തിന്റെ അന്തിമ റിപ്പോര്ട്ടില് ബാങ്കില് വലിയ ക്രമക്കേടുകളും അഴിമതികളും നടന്നതായി കണ്ടെത്തിയിരുന്നു. ക്രൈം ബ്രാഞ്ച് അന്വേഷണത്തിന് പിന്നാലെ മുന് ബാങ്ക് പ്രസിഡന്റും സെക്രട്ടറിയും ഉള്പ്പടെ മൂന്ന് പേരെ അറസ്റ്റും ചെയ്തിരുന്നു.
